Respýblıkanyń penıtentsıarlyq júıesinde Jeńistiń 65 jyldyǵyna arnalǵan saltanatty sharalar ótýde

ASTANA. Mamyrdyń 5-i. QazAqparat /Ǵalymjan Hasenov/ - Osy kúnderi barlyq penıtentsıarlyq júıeniń túzeý mekemelerinde Jeńistiń 65 jyldyǵyna arnalǵan saltanatty sharalar ótýde, dep habarlaıdy Ádilet mınıstrligi QAJ komıtetiniń baspasaóz qyzmeti.

Búgin Astanada tańerteń ertesimen, QAJK ortalyq apparatynyń qyzmetkerleri Ardagerler keńesimen birge Keńes Odaǵynyń Batyry Baýyrjan Momyshulynyń eskertkishine gúl shoqtaryn qoıdy. Odan keıin QAJK akt zalynda Uly Otan soǵysy ardagerleri men olarǵa teńestirilgen tyl eńbekkerleri jáne olardyń jesirleri qurmetine arnalǵan saltanatty jıyn boldy. Penıtentsıarlyq júıeniń 30 ardageri jınaldy, olarǵa gúlder, aqshalaı syılyqtar, estelik sýretteri tapsyryldy, sonymen qatar, merekelik kontsert uıymdastyryldy. Merekelik sharanyń sońy merekelik dastarhanmen aıaqtaldy.

Petropavl balalar kolonııasynda QAJ ardagerlerine arnap sońynan Uly Otan soǵysy jaıly fılm kórsetiletin soǵys jyldaryna arnalǵan teatrlanǵan kórinis júrip jatyr.

Pavlodar qalasynda Jeńistiń 65 jyldyǵyna arnalǵan sporttyq jarystar men kontserttik baǵdarlamalardan basqa, eskertkishterge gúl shoqtaryn qoıý rásimi uıymdastyrylǵan, al mekemelerde QAJ qyzmetkerleri arasynda ótkizilgen áskerı ánder festıvali júrýde, onyń qorytyndysy mamyrdyń 9-y kúni shyǵarylady.

Erteń, mamyrdyń 6-y kúni, Qaraǵandy QAJ ardagerleri «Máńgilik alaý» memorıalyna gúl shoqtaryn qoıady. Sońynan «Kóktem» dámhanasynda merekelik túski qonaqasy beriledi, budan keıin oblystyq mýzykalyq komedııa teatrynda ujymdyq kontsert ótedi dep josparlanǵan.