Respýblıkanyń basym bóliginde jaýyn jaýady - Qazgıdromet

ASTANA. QazAqparat – «Qazgıdromet» RMK-sy maýsymnyń 28-si kúngi kún raıy boljamyn jarııalady, dep habarlaıdy QazAqparat.

Kásiporyn taratqan derekterge qaraǵanda, Qazaqstannyń aýmaǵynyń basym bóligi soltústik-batys tsıklonynyń jáne atmosferalyq frontaldy bólikterdiń yqpalynda bolady. Sonyń saldarynan jańbyr jaýyp, eldiń batysynda, shyǵysynda naızaǵaı oınaıdy.

Tek respýblıkanyń ońtústik-batysynda ǵana kún jaýyn-shashynsyz bolady. Eldiń basym bóliginde jel kúsheıip, batysta, soltústikte, shyǵysta, ortalyqta burshaq jaýady, daýyl turyp, soltústikte tuman túsedi.

Túrkistan, Mańǵystaý, Jambyl oblystarynda, Aqtóbe, Qaraǵandy, Ulytaý oblystarynyń ońtústiginde, Atyraý oblysynyń shyǵysynda, ońtústiginde, Qyzylorda oblysynyń batysynda, shyǵysynda tótenshe órt qaýpi saqtalady.

Jetisý oblysynyń basym bóliginde, Qyzylorda oblysynyń ortalyǵynda joǵary órt qaýpi saqtalady.