«Respýblıkam – maqtanyshym»: Astanada «Atameken» ánin 400 oqýshy qatar turyp shyrqady

<p>ASTANA. KAZINFORM &ndash; Respýblıka kúnine oraı ulttyq patrıottyq sezimdi oıatatyn ánder boıynsha qala mektepterinde &laquo;Týǵan elim &ndash; Qazaqstanym&raquo; atty megachellendj bastaldy. Barlyq bilim berý uıymdarynyń oqýshylary rýhty kóteretin patrıottyq ánderdi oryndaıdy, dep jazdy elorda ákimdiginiń resmı saıty.</p>

Bul rette Astanadaǵy №50 «Qazǵarysh» mektep-lıtseıinde tórt júz oqýshy Eskendir Hasanǵalıevtiń «Atameken» ánin oryndady. Mundaǵy maqsat – jas urpaqtyń otansúıgishtik, ultjandylyq, el men jerge degen qurmetin arttyrý. Sondaı-aq mereke aıasynda búgin bilim berý uıymdarynda barlyq synyptar arasynda «Respýblıkam – maqtanyshym» atty synyp saǵattary ótedi. Onda oqýshylar tanymal adamdarmen kezdesedi.

«Respýblıka kúni – bizdiń basty ulttyq merekemizdiń biri. Bul biz úshin aıryqsha maǵynaǵa ıe. Astana qalasy Bilim basqarmasy mereke aıasynda bilim berý uıymdarynda aýqymdy is-sharalar uıymdastyrýdy josparlap otyr. Basty maqsat – oqýshylardyń boıyndaǵy otansúıgishtik, ultjandylyq sezimderin oıatý», - dedi Astana qalasy Bilim basqarmasynyń baspasóz hatshysy Aıajan Amantaıqyzy.

Baspasóz hatshysynyń aıtýynsha, atalǵan chellendj 24 qazanǵa deıin jalǵasady jáne barlyq mektepterdi qamtıdy.

Aıta keteıik, 25 qazan kúni elimizde Ulttyq mereke – Respýblıka kúni atap ótiledi. Osy aıtýly kúnniń qurmetine Astanada 100-den astam mádenı-buqaralyq, bilim berý, sporttyq jáne áleýmettik is-shara ótkiziledi. Olardyń arasynda merekelik kontsertter, kórmeler, balalarǵa arnalǵan kórnekti nysandar boıynsha ekskýrsııalar, dóńgelek ústelder, ulttyq sport túrleri boıynsha týrnırler jáne basqa da kóptegen is-sharalar bar.

Astanada Respýblıka kúnine oraı qandaı is-sharalar ótetinin jazǵan bolatynbyz.