Respýblıkalyq jeke sot oryndaýshylarynyń alqasy palata bolyp quryldy

ASTANA. QazAqparat - Respýblıkalyq jeke sot oryndaýshylarynyń alqasy budan bylaı palata bolyp atalady. Jańa qurylymnyń Jarǵysy búgin Ádilet mınıstrliginde ótken Quryltaı jıynda qabyldandy.

«Birinshi kezekte, respýblıkalyq palata jeke sot oryndaýshylarynyń qyzmetin uıymdastyrýǵa baǵyttalyp, óziniń jáne músheleriniń múddelerin qorǵaıtyn bolady. Óńirlerde palatanyń bólimsheleri qurylady. Kórsetilgen sharalar jyldyń basynda "Atqarýshylyq is júrgizý jáne sot oryndaýshylarynyń mártebesi týraly" Zańyna "Qazaqstan Respýblıkasynyń keıbir zańnamalyq aktilerine Qazaqstan Respýblıkasynda kásipkerlik qyzmet úshin jaǵdaıdy túbegeıli jaqsartý máseleleri boıynsha ózgerister men tolyqtyrýlar engizý týraly" Zańymen engizilgen túzetýlerge sáıkes jasaldy", - delingen vedomstvo taratqan málimette.

Sondaı-aq, quryltaıda Respýblıkalyq jeke sot oryndaýshylary palatasynyń Tóralqasy jáne tekserý komıssııasy saılandy.