Respýblıkalyq «Jas Sarbaz» festıvaliniń jeńimpazdary anyqtaldy

NUR-SULTAN. QazAqparat - Elordada Respýblıkalyq «Jas Sarbaz» áskerı-patrıottyq ánder festıvali óz máresine jetti. Túrli óńirden kelgen 300 jas patrıottar óz ónerlerin ortaǵa saldy, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.

Festavalǵa «Jas Sarbaz» áskerı-patrıottyq klýbtarynyń, «Jas Ulan» áskerı mektebi men «Arystan» mamandandyrylǵan lıtseıiniń tárbıelenýshileri, áskerı qyzmetshilerdiń balalary, «Jas Sarbaz» synybynda bilim alyp jatqan oqýshylar qatysty.

Olar úsh nomınatsııa boıynsha baq synady. Atap aıtqanda, vokal, folklorlyq oryndaýshylar jáne vokaldyq-aspaptyq ansambl.

«Aspaptyq oryndaý» nomınatsııasynda Aqtóbe qalasy T.Bıgeldınov atyndaǵy áskerı-patrıottyq klýbtyń «Jas Ulan» úrmeli orkestri úzdik dep tanylsa, «Folklor» nomınatsııasynda «Balbyraýyn» ansambli, «Vokaldan» Elzara Kýraısova birinshi oryndy qanjyǵasyna baılady. Festıvaldiń basty syılyǵy, Gran-prıǵa «Arystan» mamandandyrylǵan lıtseıiniń «Avangard» ansambli ıe boldy.

Jeńimpazdar men júldegerlerge syılyqtar, «Jas Sarbaz» músinsheleri men dıplomdar tabys etildi. Marapattaý rásimi men gala-kontsertke Halyq Qaharmany, armııa generaly Muhtar Altynbaev, Qorǵanys mınıstriniń birinshi orynbasary – QR QK Bas shtab bastyǵy general-maıor Murat Bektanov pen Qarýly Kúshterdiń ardagerleri qatysty.

«Jas Sarbaz» áskerı-patrıottyq ánder festıvaliniń maqsaty - jastardy patrıottyq sezim men belsendi azamattyq ustanymǵa baǵyttaý, áskerı qyzmetti nasıhattaý jáne Qarýly Kúshterdiń ımıdjin kóterý. Festıval dástúrge aınalyp, elimizdiń tvorchestvolyq ómirinde jastar arasynda úlken yqylasqa bólenetine senemin»,- dedi general-maıor Murat Bektanov.

Ánder festıvaliniń sońy gala-kontsertke jalǵasty.