Respýblıkalyq trassalarda proektsııalyq jolaqtar paıda boldy
«QazAvtoJol» ulttyq kompanııasynyń málimetinshe, respýblıkalyq mańyzy bar tasjoldarda jol qozǵalysy qaýipsizdigin arttyrý aıasynda Qaraǵandy jáne Ulytaý óńirlerinde tórt jańa proektsııalyq jaıaý júrginshiler ótkeli ornatylǵan.
Máselen, olar «Qyzylorda-Pavlodar-Ýspenka-RF shekarasy» avtojolynyń 912 shaqyrymy Qarabas kentinde, «Astana-Qabanbaı batyr-Nura-Temirtaý» avtojolynyń 102 shaqyrymynda Nura kentiniń ishinde jáne «Jezqazǵan-Esil-Petropavl» avtojolynyń 22 shaqyrymynda Sátbaev qalasynyń mańynda qoldanysqa berilgen.
Proektsııa jyldyń tórt mezgilinde, aýa raıy qolaısyz bolsa da (qar, jańbyr, kóktaıǵaq) aıqyn kórinedi.
Avtokólik júrgizýshileri men jaıaý júrginshiler túngi ýaqytta da jolda aq-sary jaıaý júrginshiler jolaǵyn 150 metr jerden anyq kóre alady.
Esterińizge sala keteıik, dál osyndaı proektsııalyq jolaqtar buǵan deıin Aqtóbe, Batys Qazaqstan jáne Aqmola oblystarynyń respýblıkalyq tasjoldarynda ornatyldy.
Vıdeodan alynǵan kadr