Respýblıkalyq patrıottyq forýmda «Úlken el - úlken otbasy» jalpyulttyq jobasy qaraldy
«Jyl saıyn osyndaı kezdesý ıgi dástúrge aınalyp otyr. Bıylǵy jyl erekshe, sáıkesinshe bizdiń forým da erekshe bolmaq. 2015 jyl Memleket basshysynyń Jarlyǵymen «Qazaqstan halqy Assambleıasy jyly» dep jarııalandy. Assambleıa jyly - ol birliktiń, kelisimniń jyly. Osy oraıda árbir azamat birine-biri qoldaý jasaýy tıis»,- dedi ol. Sonymen qatar E.Toǵjanov bıyl elimizde Uly Jeńistiń 70 jyldyǵy, Ata Zańnyń 20 jyldyǵy jáne Qazaq handyǵynyń 550 jyldyǵy sekildi birneshe ataýly datalar bar ekenin salyp ótti. Patrıottar forýmynda Elbasynyń «Ult jospary - 100 naqty» qadam atty bes ınstıtýtsıonaldyq reformasynyń aıasynda iske asyrylatyn Qazaqstan halqy Assambleıasynyń «Úlken el - úlken otbasy» jalpyulttyq jobasy qaraldy. Ol qazaqstandyq biregeılikti nyǵaıtýǵa jáne «Máńgilik El» qundylyqtary negizinde biryńǵaı azamattyq birlikti qalyptastyrýǵa baǵyttalǵan arnaıy is-qımyldar baǵdarlamasy. Joba aıasynda otansúıgishtik tárbıe basymdyqtaryn, bolashaǵy birtutas ultymyzdyń zııatkerlik, mádenı jáne rýhanı qundylyqtaryn alǵa bastyrýǵa negizdelgen keń aýqymdy aktsııalar men áleýmettik jobalar kesheni ótkiziledi. Aıta keteıik, forýmǵa qatysýǵa barlyq óńirlerden shamamen 2 myńnan astam delegat keldi. Olar óz isiniń úzdik mamandary - dárigerler, áskerıler, ónerkásip jumysshylary, ǵalymdar, jas kóshbasshylar, aýyl sharýashylyǵy qyzmetkerleri, qoǵam qaıratkerleri, sportshylar, talantty akterler, mádenıet maıtalmandary. Patrıottar forýmy 2007 jyldan beri jyldyń aıtýly sharalary aıasynda elimizdiń túrli qalalarynda ótkiziledi. Bıylǵy forým Memleket basshysy Nursultan Nazarbaevtyń Máńgilik el jalpyulttyq ıdeıasyna arnalady.