Respýblıkalyq onomastıka komıssııasy eldegi ataýlarǵa monıtorıng júrgizip, arnaıy jınaq shyǵardy
Búgin QR Parlamenti Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine onomastıka máseleleri boıynsha ózgerister men tolyqtyrýlar engizý týraly» zań jobasy jóninde baıandaǵan QR Mádenıet jáne aqparat mınıstri Darhan Myńbaı osylaı málim etti.
«Jer-sý ataýy urpaqtan-urpaqqa jetetin mura ǵana emes, tarıhı-tanymdyq máni bar ulttyq salt-sana men dástúrdiń jalǵasy retinde qyzmet etetin ǵylymı sanat. Eldiktiń nyshany, tutastyqtyń bir quraly. Órkenıetti eldiń mádenı deńgeıin kórsetetin, ǵylymy men bilimin nasıhattaıtyn ataýlar ulttyq jadynyń ustyny. Olaı bolsa, qabyldanatyn zańdar sol uly mindettiń, jaýapty patrıottyq istiń údesinen shyǵýǵa septigin tıgizýi kerek dep senemiz», - deıdi Darhan Myńbaı.
Sonymen qatar, talqylaý barysynda mınıstr Respýblıkalyq onomastıka komıssııasymen eldegi ataýlarǵa qatysty monıtorıng júrgizilgenin, bunyń nátıjesinde arnaıy jınaqtar shyǵarylǵanyn atap ótti.