Respýblıkalyq mańyzdaǵy birqatar jolda kólik qozǵalysy jandandy
«Aqmola oblsynda saǵat 12:00-den «Nur-Sultan-Petropavl» jolynyń 18-231 shaqyrymyndaǵy elorda men Şýchınsk arylyǵynda qozǵalys ashyldy», - delingen QR Indýstrııa jáne ınfraqurylymdyq damý mınıstrliginiń Telegram kanalynda.
Jambyl oblysynda «Almaty-Tashkent-Termez» jolynyń 536-593 shaqyrymyndaǵy Aısha bıbi kenti men Túrkistan oblysynyń shekarasy aralyǵynda kólik qozǵalysy jandandy.
Taraz-Shymkent aralyǵynda avtokólik qozǵalysy qalpyna keltirildi.
Túrkistan oblysynda tańerteń «Almaty-Tashkent-Termez» jolynyń 593-654 shaqyrymyndaǵy Jambyl oblysy shekarasy men Mashat aýyly ýchaskesi ashyldy.
Qyzylorda oblysy aýmaǵyndaǵy «Samara-Shymkent» jolynyń 1912-2057 shaqyrymyndaǵy Báıgequm men Túrkistan oblysy shekarasy, sondaı-aq atalǵan avtojoldyń Túrkistan oblysy aýmaǵyndaǵy 2057-2175 shaqyrymy arasynda qozǵalys jandandy.