Respýblıkalyq qoǵamdyq shtab Taıynsha aýdanynda úgit-nasıhat jumystaryn júrgizdi

PETROPAVL. QazAqparat - QR prezıdenttigine kandıdat Qasym-Jomart Toqaevty qoldaý maqsatynda QR Parlamenti Májilisiniń depýtaty, Respýblıkalyq qoǵamdyq shtab (RQSh) múshesi Dmıtrıı Koloda bastaǵan Halyqtyq koalıtsııa ókilderi Soltústik Qazaqtan oblysyndaǵy Taıynsha aýdanyna bardy. Bul týraly QazAqparat qoǵamdyq shtabqa silteme jasaı otyryp habarlaıdy.

Kezdesý «EMCAgro» JShS jáne «BioOperations» JShS-da ótti. Bul – aýdandaǵy shıkizatty óńdeýmen aınalysatyn iri óndiristik nysandar. Depýtat D.Koloda saılaýshylardy QR prezıdenttigine kandıdat Q.Toqaevtyń saılaýaldy tuǵyrnamasynyń negizgi baǵyttarymen tanystyrdy.

Sondaı-aq RQSh músheleri densaýlyq saqtaý salasynyń qyzmetkerlerimen jáne Taıynsha aýdanynyń jurtshylyǵymen kezdesti.

Esterińizge sala keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al, 20 qarashada prezıdent saılaýy ótedi.