Respýblıkalyq bıýdjetti naqtylaýda shaǵyn nesıege 20 mlrd teńge bólý eskeriledi

ASTANA. QazAqparat - Bıyl respýblıkalyq bıýdjetti naqtylaý barysynda shaǵyn nesıege 20 mlrd teńge bólýdi eskerý qajet. Bul týraly Úkimet otyrysynda QR Premer-Mınıstri Baqytjan Saǵyntaev aıtty, dep habarlaıdy QazAqparat.

«Tórtinshi bastama - shaǵyn nesıe berýdi kóbeıtý. Nátıjeli jumyspen qamtý jáne jappaı kásipkerlikti damytý boıynsha atqarylyp jatqan jumystar aıasynda Eńbek jáne halyqty áleýmettik qorǵaý, Ulttyq ekonomıka, Aýyl sharýashylyǵy, Qarjy mınıstrlikterine jáne «Atameken» ulttyq kásipkerler palatasyna: Birinshi - aǵymdaǵy jylǵa respýblıkalyq bıýdjetti naqtylaý kezinde qosymsha 20 mlrd teńge bólýdi eskerýdi, ekinshi, ásirese aýyldyq jerlerdi shaǵyn nesıe berý úshin qarajatty odan ary bólý boıynsha usynystar engizýdi tapsyramyn», - dedi Baqytjan Saǵyntaev.

Onyń aıtýynsha, bul baǵyttardyń júıeli atqarylýyna jaýapty Eńbek jáne halyqty áleýmettik qorǵaý mınıstri Mádına Ábilqasymova bolady. Al Úkimet basshysynyń orynbasary - Aýyl sharýashylyǵy mınıstri Ómirzaq Shókeev pen Úkimet basshysynyń orynbasary Erbolat Dosaev óz baǵyttarynyń tıisti deńgeıde júzege asyrylýyn baqylaýǵa alady.

foto:24.kz