Respýblıkalyq bıýdjetke munaı túsimderi birtindep azaıady – mınıstrlik

ASTANA. QazAqparat – 2025 jylǵa qaraı respýblıkalyq bıýdjetke munaı emes túsimder úlesi 78,2% deıin ósedi. Bul týraly QR Qarjy mınıstriniń mindetin atqarýshy Erjan Birjanov aıtty, dep habarlaıdy QazAqparat tilshisi.

Aıta keteıik, Parlament Májilisinde «2023 – 2025 jyldarǵa arnalǵan respýblıkalyq bıýdjet týraly» QR Zańy jobasy qaralyp jatyr.

«Zań jobasy eldiń 2027 jylǵa deıingi áleýmettik-ekonomıkalyq damý boljamy negizinde ázirlendi. 2023 jylǵa arnalǵan túsimder bıylǵy josparǵa qaraǵanda 2 trln teńgege ulǵaıyp, 17,8 trln teńge bolady. Respýblıkalyq bıýdjetke túsetin munaı túsimderiniń úlesi birtindep azaıatyn bolady. Atap aıtqanda, kelesi jyly Ulttyq qordan beriletin kepildendirilgen transfert 1,8 esege azaıyp, 2,2 trln teńge mólsherinde tartylady. Nysanaly transfert kelesi jyly 1 trln teńge mólsherinde aıqyndalǵan. Bul negizi Memleket basshysynyń tapsyrmalaryn oryndaýǵa baılanysty», - dedi E. Birjanov.

Munaı emes túsimderdiń úlesi 2022 jylǵy 59,8%-ten 2025 jylǵa qaraı 78,2%-ke deıin ósý dep kózdelgen.

«Munaı emes sektordan túsetin kirister kóleminiń ulǵaıýy birtindep ekonomıka dıversıfıkatsııasynyń jaqsarýymen jáne menshik tabys kóziniń nyǵaıýymen baılanysty», - dedi E. Birjanov.