«Respýblıkalyq balalardy ońaltý ortalyǵy» aktsıonerlik qoǵamynyń qyzmetkerleri Jeńis kúnine arnap Uly Otan soǵysynyń ardagerlerine qurmet kórsetti
Ortalyq ókilderi Uly Otan soǵysynyń ardagerlerine arnap, dastarhan jaıyp, merekelik kontsert qoıdy. Sondaı-aq ortalyq ókilderi ardagerlerge arnaǵan syılyqtaryn tabys etti. «Respýblıkalyq balalardy ońaltý ortalyǵy» aktsıonerlik qoǵamynyń basqarma tóraıymy Sholpan Bólekbaevanyń aıtýynsha, aktsıonerlik qoǵam Uly Otan soǵysy ardagerleriniń qatysýymen mundaı sharalardy jyl saıyn uıymdastyrady. «Biz ardagerlerdi ózge de merekelermen quttyqtap turamyz. Mysaly Jańa jylda, jáne basqa da meıramdarda. Osy dástúr boıynsha biz ardagerlerge arnap búgin de osyndaı ıgi shara uıymdastyryp otyrmyz. Búginshi sharaǵa 10 ardager shaqyryldy. Alaıda olardyń tek 6-ýy ǵana kele alatyn boldy. Jalpy alǵanda aktsıonerlik qoǵamnyń tiziminde 22 ardager bar. Biz olardyń densaýlyq jaǵdaıyn udaıy baqylap otyramyz. Qajetti jaǵdaıda densaýlyqtaryn ońaltýǵa kómek te kórsetemiz», - deıdi basqarma tóraıymy.