Respýblıkalyq joldardyń jelisinde sý tasqyny kezinde qaýipti 396 ýchaske bar – Kólik mınıstrligi

<p>ASTANA. KAZINFORM &ndash; Búginde respýblıkalyq joldar jelisinde sý tasqyny kezinde qaýiptilik deńgeıi joǵary 396 ýchaske, sondaı-aq 68 kópir men 650 sý ótkizý qubyry bar. Onyń basym bóligi &ndash; Soltústik Qazaqstan oblysynda.</p>

Ortalyq kommýnıkatsııalar qyzmetinde ótken brıfıngte Kólik mınıstrligi Avtomobıl joldary komıteti tóraǵasynyń orynbasary Ǵalymjan Ótenbaev Soltústik Qazaqstan oblysynda 112 ýchaske sý tasqyny kezinde qaýipti aımaqqa jatatynyn aıtty.

– Sondaı-aq, Aqmola oblysynda – 61, Qaraǵandy oblysynda - 43 ýchaske tirkeldi. Daıyndyq jumystary aıasynda sý tasqynyna qarsy is-sharalar josparlary bekitilip, iske asyrylyp jatyr. Bul sharalarǵa sý tasqyny qaýpi bar ýchaskeler men jol qurylystaryn kúndelikti tekserý, sý tasqynyna qarsy jáne avarııalyq jumystardy júrgizý úshin ınertti materıaldar daıyndaý, sondaı-aq júris bóligin, jol jıekterin, jol qurylystaryn qar men muzdan tazartý kiredi, – dedi Ǵ.Ótenbaev.

Bul rette, jedeldik pen qaýipsizdikti qamtamasyz etý úshin táýlik boıy kezekshilik uıymdastyrylyp, avtojoldar men jol qurylystary kúndelikti baqylaýǵa alyndy. Sý tasqynynyń aldyn alý maqsatynda shamamen 12 myń tekshe metr qum, 3 myń tekshe metr tas, 12 myń tekshe metr qumshaǵal qospasy, 2 mln tekshe metr qıyrshyq tas jáne 50 myń qap ázirlengen.

Sonymen qatar vedomstvo ókili jurtshylyqty jol qozǵalysy qaýipsizdigin qamtamasyz etýge belsendi qatysýǵa shaqyrdy. Jol tósemin sý basqanyna kýá bolǵan azamattar 1403 nómiri boıynsha habarlasýǵa bolady.