Respýblıkalyq sý komıssııasyn qurý kerek – Baqytjan Bazarbek

<p>ASTANA. KAZINFORM &ndash; Qazaqstan Respýblıkasy Parlamenti Májilisiniń depýtaty Baqytjan Bazarbek sý komıssııasyn qurýdy usyndy.</p>

«1990-2000 jyldary sý salasyndaǵy mamandarymyzdan aırylyp qaldyq, sondyqtan sý ǵylymyn kúsheıtýimiz kerek. Basqasha aıtqanda, bilim berý standarttaryn jetildirý qajet, sebebi qazir eski standart qoldanysta. Sonymen qatar sý salasy boıynsha jańa mamandyqtar engizip, otandyq kadr daıarlaýymyz tıis», - dedi Baqytjan Bazarbek «Biz birgemiz» respýblıkalyq telemarafonynyń efırinde. 

Halyq qalaýlysynyń aıtýynsha, eldi sý basýdyń bir sebebi mamandardyń tapshylyǵymen baılanysty. 

«Biz respýblıkalyq sý komıssııasyn qurýymyz kerek. Bizde jer komıssııasy bar, sonyń nátıjesinde 10 mln gektar jerdi memleketke qaıtardyq. Sý komıssııasynyń quramyna depýtattar men quzyrly organdardyń ókilin tartqan jón. Onyń aıasynda zańsyz jeke menshikke ketken sý obektilerin memlekettiń qaramaǵyna qaıtarý máselesin komıssııa aldyna qoıý qajet. Odan bólek, eldegi sý qoryna ǵaryshtan monotırıng júrgizý kerek, onyń joqtyǵynan biz tıisti, dáleldi aqparattan aırylyp otyrmyz. Úshinshiden, sý qory salasy avtomattandyrýdy talap etedi», - deıdi ol.