Respýblıkalyq mańyzy bar avtojoldarda qardyń jınalýyn boldyrmaý boıynsha jumystar jalǵasýda

<p>ASTANA. KAZINFORM &ndash;<strong> </strong>Qys mezgilinde respýblıkalyq mańyzy bar avtojoldardy tazalap, tegistep, qysqy kútip-ustaý jumystarymen qatar, jol jıeginde qardy ustaý qalqanshalaryn ornatý da asa mańyzdy. Búginde elimizde respýblıkalyq mańyzy bar avtomobıl joldarynyń barlyq jelisinde 2,7 myń shaqyrym qar basý yqtımaldyǵy joǵary aýmaqtar anyqtaldy.</p>

Jol jıegindegi qardy ustaý boıynsha kompanııa jylda qarqyndy jumys atqarady. Máselen, byltyr Astana-Pavlodar jáne Astana-Kókshetaý avtojoldarynyń boıynda 25 shaqyrymdy quraıtyn qar ustaıtyn statsıonarlyq qalqandar ornatyldy. Al, bıylǵy qysqy kezeńge daıyndyq barysynda «KAJservıs» JShS respýblıkalyq mańyzy bar avtojoldardyń jıegine 38 myń p.m qardy ustaıtyn ýaqytsha qalqandar qoıdy.

Qys bastalǵaly jolshylar kúnde jol boıyna qar ustaıtyn qorshaý men transheıalardy qazýda. Bul jumystar avtojoldarda qardyń jınalýyn boldyrmaıdy jáne jol jıegindegi qardy ustaýǵa kómektesedi.

Aıta ketý kerek, jol salý nemese joldy rekonstrýktsııalaý jobasyn ázirleý kezinde qar basatyn aýmaqtarda mindetti qar qorshaýlaryn ornatý qarastyrylady.