Respýblıkalyq fıtosanıtarııalyq dıagnostıka ortalyǵynyń basshysy úıqamaqqa alyndy

<p>ASTANA. KAZINFORM &ndash; &nbsp;Respýblıkalyq fıtosanıtarııalyq dıagnostıka jáne boljamdar ádistemelik ortalyǵy memlekettik mekemesi basshysynyń qatysýymen jemqorlyqtyń júıeli faktileri anyqtaldy. Bul týraly Sybaılas jemqorlyqqa qarsy is-qımyl agenttiginiń resmı ókili Arman Tileýkenov málim etti.&nbsp;</p>

«Sybaılas jemqorlyqqa qarsy qyzmet ómirdiń barlyq salasynda jemqorlyq shemalaryn áshkereleý boıynsha jumysty jalǵastyrýda. Máselen, QR Aýyl sharýashylyǵy mınıstrligi Agroónerkásiptik keshendegi memlekettik ınspektsııa komıtetiniń «Respýblıkalyq fıtosanıtarııalyq dıagnostıka jáne boljamdar ádistemelik ortalyǵy» RMM basshysynyń qatysýymen jemqorlyqtyń júıeli faktileri ashyldy», - dedi Arman Tileýkenov vedomstvoda ótken baspasóz máslıhatynda.

Resmı ókildiń málimdeýinshe, sheneýnik Atyraý, Jambyl, Shyǵys Qazaqstan, Qaraǵandy, Qostanaı, Qyzylorda, Abaı jáne Jetisý oblystary boıynsha fılıaldarynyń basshylarynan qyzmettegi jalpy qamqorlyǵy jáne olardyń múddesi úshin is-qımyl jasaǵany úshin birneshe ret para aldy degen kúdikke ilinip otyr. 

«Sottyń sanktsııasymen kúdikti úıqamaqqa alyndy. Sonymen qatar kúdiktini tergeý barysynda para berý faktileri boıynsha respýblıkalyq memlekettik mekemesiniń atalǵan fılıaldary basshylarynyń jaýapkershiligi týraly másele qaralatyn bolady. Tergeý amaldary jalǵasýda», - deıdi ol.