Respýblıkadaǵy jumyssyzdyq deńgeıi 6,5 paıyzǵa jetip otyr - G.Ábdihalyqova

ASTANA. Qarashanyń 20-sy. QazAqparat /Marlan Jıembaı/ - Respýblıkadaǵy jumyssyzdyq deńgeıi  6,5 paıyzǵa jetip otyr. Bul jaıynda búgin elordada ótken «Kásiptik bilim jáne bıznes: seriktester dıalogy» atty 2-shi halyqaralyq forýmnyń ashylýy barysynda QR Eńbek jáne halyqty áleýmettik qorǵaý mınıstri Gúlshara Ábdihalyqova aıtty,

 dep habarlaıdy QazAqparat.

Mınıstrdiń aıtýynsha, sońǵy jyldary elimizge  sheteldik jumys kúshin  tartý úrdisiniń  óskeni baıqalǵan. Degenmen aǵymdaǵy jyly bul kvota qazaqstandyq qamtýǵa baılanysty qysqartylǵan.

«Eger ótken jyldary biz jylyna shamamen 120 myń sheteldik jumys kúshin tartsaq, osy jyly kvota boıynsha 60 myńǵa jýyq adamdy qabyldaýǵa ruqsat etilgen. Al qazir elimizde is júzinde bar-joǵy 30 myń sheteldik jumysshylar men mamandar isteıdi», dedi G.Ábdihalyqova.

Onyń aıtýyna qaraǵanda, bos jumys oryndaryn jergilikti kadrlarmen aýystyrý maqsatynda birqatar sharalar atqarylýda. «Jol kartasy» sheńberinde 6 myńnan astam adam bilimin jetildirgen. Sonymen qatar mınıstrlik sheteldik qatysýshysy bar iri kásiporyndardyń ózinde jergilikti kadrlardy oqytýǵa arnaıy ortalyqtar ashý maqsatynda kelissózder júrgizýde.

G.Ádihalyqova elimizde munaı salasynyń jumysshylary, dárigerler, sondaı-aq sheteldik jumys kúshin almastyratyn kadrlar,  birqatar qurylys kompanııalarda jáne iri ónerkásip uıymdarynda mamandar jetispeıtindigin de atap ótti.