Respýblıkada 15 paıyzdyq jeńildiktermen «Qazaqstandyq taýardy satyp al» aktsııasy ótedi

ASTANA. Qazannyń 30-y. QazAqparat /Gúlmıra Álıakparova/ - Aldaǵy qarasha aıynyń 1-de Astana, Almaty, Qaraǵandy, Shymkent jáne Atyraý qalalaryndaǵy kóterme-bólshek saýda jelilerinde «Qazaqstandyq taýardy satyp al» aktsııasy bastalady,

dep habarlaıdy QazAqparat.

 Aktsııa QR Indýstrııa jáne saýda mınıstrligimen jáne «Kaznex» eksportty damytý jáne alǵa jyljytý korporatsııasy» AQ-men birlesip uıymdastyrylyp otyr.

 Indýstrııa mınıstrligi Saýda komıtetiniń tóraǵasy Aıdar Qazybaevtyń atap kórsetýinshe, aktsııa ilki joba retinde bir aı boıy ótkiziledi. Bul kúnderi otandyq óndirýshilerdiń taýarlary, atalmysh bes qalada ornalasqan «Ramstor» sýpermarketter jelilerinde jáne Atyraý qalasyndaǵy «Ideal» bólshek saýda jelisinde 15 paıyzdyq jeńildikpen satylatyn bolady.

 Sondaı-aq osy aptada Elbasynyń qatysýymen Astanada ashylǵan «Metro Kesh end Kerrı» iri kóterme saýda ortalyǵy aktsııa kúnderi bólshek saýdamen jumys isteıtin bolady.

 «Aktsııanyń basty maqsaty - azamattardy otandyq ónimderdi satyp alýǵa yntalandyrý jáne patrıottyq sezimderin oıatý»,  deıdi uıymdastyrýshylar.