«Respýblıka» sózin kimder ataýyna arqaý etip júr

<p>ASTANA. KAZINFORM &ndash; Respýblıka sóziniń qazaq halqy úshin qadiri artqan kez 1990 jyldan bastaý alady. Alashtanýshy ǵalym Sultanhan Aqqulynyń sózimen aıtsaq, osy jyldyń 25 qazanynda Qazaqstannyń egemendigi qalpyna keltirilgen <a href="https://kaz.inform.kz/news/sultanhan-akkuli-25-kazan-kazakstannin-egemendg-kalpina-keltrlgen-kun-retnde-toylanu-kerek-2ad317/" target="_blank" rel="noopener">bolatyn</a>.&nbsp;70 jylǵa jýyq ýaqyt boıy KSRO-ny ortaq úıimiz dep kelgen qazaqstandyqtar egemendik jarııalanǵan sátten bastap ózderin jeke respýblıkasy bar tolyqqandy azamat retinde sezinýge múmkindik aldy. Osynaý tarıhı ózgeristiń qoǵamda qandaı iz qaldyrǵanyn onomastıkalyq tańbalar men zańdy tulǵalardyń ataýynan zerttep kórdik.</p>

Partııa, kofehana, qoǵamdyq qor

Ádilet mınıstrliginiń málimetine súıensek, 2024 jyldyń 16 qazanyndaǵy jaǵdaı boıynsha Qazaqstan aýmaǵynda ataýynda «Respýblıka» sózi bar 29 zańdy tulǵa tirkelgen. Olar:

1. «Kofe Respýblıkasy» jaýapkershiligi shekteýli seriktestigi
2. «Respýblıka dańǵyly, 26» kóppáterli turǵyn úı múlki menshik ıeleriniń birlestigi
3. «Respublika Foundation» qaıyrymdylyq qory» qoǵamdyq qory
4. «Respublika House» múlik ıeleriniń birlestigi
5. «Shymkent, Respýblıka dańǵyly, 48, 8-páter» múlik ıeleriniń birlestigi
6. «Shymkent, Respýblıka dańǵyly, 25 j., 9-páter» múlik ıeleriniń birlestigi
7. «Respýblıka-2000» qoǵamdyq birlestigi
8. «Aıtys Federatsııasy Qazaqstan Respýblıkasy» qoǵamdyq birlestigi
9. «Ekinshi RESPÝBLIKA» qoǵamdyq qory
10. «Quqyq Respýblıka» jaýapkershiligi shekteýli seriktestigi
11. «Respýblıkalyq quqyq» jaýapkershiligi shekteýli seriktestigi
12. «Respublica» partııasy» qoǵamdyq birlestigi
13. «Respýblıka dańǵyly, 11 úı» múlik ıeleriniń birlestigi
14. «Respýblıka dańǵyly, 10/1 úı» múlik ıeleriniń birlestigi
15. «Respýblıka-Óńir-Damý» qoǵamdyq qory
16. «Respýblıka dańǵyly, 40 úı» múlik ıeleriniń birlestigi
17. «Quqyqtyq RESPÝBLIKA» jaýapkershiligi shekteýli seriktestigi
18. «Shymkent, Respýblıka dańǵyly, 46-úı, 28-páter» múlik ıeleriniń birlestigi
19. «Respýblıka» basqarýshy kompanııasy» jaýapkershiligi shekteýli seriktestigi
20. «Qazaq Respýblıkasy» jaýapkershiligi shekteýli seriktestigi
21. «Kazakhstan republic mineral resources (Qazaqstan Respýblıkasy mıneral resýrs) jaýapkershiligi shekteýli seriktestigi
22. «Astana, Respýblıka dańǵyly, 30-úı» múlik ıeleriniń birlestigi
23. «Respýblıka-16» múlik ıeleriniń birlestigi
24. «OTANYM - Qazaqstan Respýblıkasy» úlgili turǵyn úı keshenderi» jaýapkershiligi shekteýli seriktestigi
25. «Respýblıka» qurylys kompanııasy» jaýapkershiligi shekteýli seriktestigi
26. «RESPÝBLIKA» qarjy holdıngi» aktsıonerlik qoǵamy
27. «Respýblıka, 9» múlik ıeleriniń birlestigi
28. «Astana, Respýblıka dańǵyly, 21-úı» múlik ıeleriniń birlestigi
29. «Respýblıka 14» jaýapkershiligi shekteýli seriktestigi.

Zańdy tulǵa degennen shyǵady, Respublika atymen elge keń tanylǵan qoǵamdyq qozǵalys bolǵanyn el jaqsy biledi. Qozǵalystyń belsendisi Bella Orynbetovaǵa habarlasqanymyzda ol uıymdy resmı tirkeý sol kúıi múmkin bolmaǵanyn, qazir jumysyn toqtatqanyn aıtty.

«Respýblıka» brendi

Ádilet mınıstrliginiń deregi boıynsha «AHAJ tirkeý pýnkti» aqparattyq júıesine teginde, ákesiniń atynda nemese óz esiminde «Respýblıka» sózi bar qazaqstandyq tirkelmegen. Ulttyq statıstıka bıýrosynan da osyndaı jaýap aldyq. Demek, eshbir qazaqstandyqtyń esim-soıynda «respýblıka» sózi kózdespeıdi degen sóz.

«Ulttyq zııatkerlik menshik quqyǵy» respýblıkalyq memlekettik kásiporny Ádilet mınıstrligine usynǵan aqparatqa sensek, taýar belgileriniń memlekettik tiziliminde ataýynda «respýblıka» sózi qorǵalmaıtyn element retinde kezdesetin 57 taýar belgisi tirkelgen.

Sonymen qatar, Taýar belgileriniń memlekettik tiziliminde «Respýblıka» sózin ǵana ataý etip alǵan 3 taýar belgisi tirkelgen.

Respýblıka boıymen...

Mádenıet jáne aqparat mınıstrliginiń jaýaby «Respýblıka» ataýyn ulyqtaý maqsatynda elimizde birqatar shara júzege asyryldy», - degen sóılemmen bastalady.

Mınıstrlik málimeti boıynsha, «Respýblıka» ataýy:

• 29 kóshege (Pavlodar, Abaı, Atyraý, Qyzylorda, Aqmola, Jetisý, Qostanaı, Aqtóbe, Qaraǵandy, Shyǵys Qazaqstan, Batys Qazaqstan, Soltústik Qazaqstan oblystary)
• 5 dańǵylǵa (Astana, Shymkent qalalary men Aqmola, Qaraǵandy oblystary)
• 1 alańǵa (Almaty qalasy)
• 2 skverge (Qaraǵandy oblysy) berilgen.

«Ataýynda «Respýblıka» sózi bar quramdas bólikter: Qazaqstan Respýblıkasynyń Táýelsizdigine 20 jyl kóshesi (Batys Qazaqstan oblysy), Respýblıka kúni kóshesi (Soltústik Qazaqstan oblysy), 2 kóshe - Qazaqstan Respýblıkasy kóshesi (Almaty jáne Batys Qazaqstan oblystary), «Qazaqstan Respýblıkasynyń Tuńǵysh Prezıdenti» alańy (Batys Qazaqstan oblysy)», - dep jazylǵan mınıstrlik jaýabynda.