Respýblıka sottarynyń BAQ-tarmen ózara is-qımyl jónindegi tujyrymdamasynyń jobasy ázirlendi
Bul týraly vedomstvonyń baspasóz qyzmeti habarlady.
Qujat Memleket basshysynyń sot júıesin odan ári jetildirý jóninde alǵa qoıǵan tapsyrmalaryn oryndaý maqsatynda ázirlendi. Joǵarǵy Sot sot qyzmetin aqparattyq qoldaýdy jaqsartýda júıeli jumystar atqarýda.
Sottar men BAQ-tyń yntymaqtastyǵy el Prezıdenti N.Nazarbaevtyń Qazaqstan Respýblıkasy sýdıalarynyń VI sezinde sóılegen sózi jáne onyń «Nur Otan» partııasynyń XVI sezinde sottardyń ashyqtyǵyn arttyrý jóninde bergen tapsyrmalary turǵysynda órbıtin bolady.
Tujyrymdamada respýblıka sottarynyń qyzmetin aqparattyq qoldaýdyń tıimdiligin arttyrýdyń negizgi tásilderi men jumys baǵyttary aıqyndalǵan. Bul jumysty BAQ qyzmetkerleri men úkimettik emes birlestikterdiń, sonyń ishinde halyqaralyq uıymdardyń belsendi qatysýymen júzege asyrý kózdelgen.
Tujyrymdama jobasy túsindirý jumystaryna sýdıalar men sot júıesi qyzmetkerleriniń neǵurlym belsendi qatysýynyń tártibin retteıdi. BAQ pen Internettegi sot qyzmeti týraly synı jarııalanymdarǵa den qoıý sharalary kózdelgen.
Tutastaı alǵanda, Tujyrymdama sottarǵa degen senimdi arttyrýǵa, azamattardyń quqyqtyq mádenıeti men saýattylyǵyn damytýǵa, sondaı-aq qoǵamnyń sottar qyzmeti týraly aqparattyq suranystaryn qanaǵattandyrýǵa baǵyttalǵan.
Qujat Joǵarǵy Sot Tóraǵasynyń Ókimimen bekitiletin bolady. Ony respýblıkadaǵy barlyq sottardyń oryndaýy mindetti jáne olardyń BAQ-pen ózara is-qımylyn naqty retteıdi.