Respýblıka kúnine tartý: Qosshy qalasynda jabyq fýtbol alańy ashyldy

<p>Aqmola oblysynyń Qosshy qalasynda Respýblıka kúnine oraı &laquo;Qosshy Arena&raquo; zamanaýı jabyq fýtbol alańy paıdalanýǵa berildi, dep habarlaıdy <a href="https://kaz.inform.kz/" target="_blank" rel="noopener">Kazinform</a></p>

Jańa sport nysanynyń aýmaǵy — 12500 sharshy metr. Jeke ınvestıtsııa esebinen salynǵan. Nysanda kıinetin, jýynatyn bólme, kórermenderge arnalǵan balkon qarastyrylǵan.

Qosshy qalasy ákimdiginiń málimetinshe, qalada balalar men jasóspirimderdiń sportpen shuǵyldanýy úshin barlyq jaǵdaı jasalyp jatyr.

Sonymen birge sport nysandarynyń sanyn arttyrý úshin oblystyq bıýdjet qarajaty esebinen dene shynyqtyrý-saýyqtyrý kesheniniń qurylysy júrgizilýde.

Ony 2024 jyldyń birinshi toqsanynda paıdalanýǵa berý josparlanǵan.

Foto: Qosshy qalasy ákimdigi

Jaqynda balalar men jasóspirimder sport mektebi ashyldy.

«Ózderińiz biletindeı, „Vernyı kapıtal“ qory bıyl balalarymyzǵa respýblıka kóleminde teńdesi joq jańa mektep-gımnazııasyn syılady. Bizdiń osy qormen áleýmettik seriktestigimiz jalǵasady. Qazirgi ýaqytta qoǵamdyq mádenı-sport ortalyǵynyń qurylysyn bastaý josparlanǵan», - dep atap ótti Qosshy qalasynyń ákimi Gaıdar Qasenov.

Qala basshysy atap ótkendeı, bıyl 400 oryndyq mádenıet úıin salý jobasy ázirlengen. Ol 2024-2025 jyldary júzege asyrylady.

«Bul kórsetkishter — Qosshy qalasynda sportty damytý úshin jaǵdaı jasalyp jatqandyǵynyń dáleli dep sanaımyn jáne osy baǵyttaǵy jumys jalǵasady», - dedi qala basshysy.

Jańa fýtbol alańynyń ashylýyna ata-analar da qýanyp otyr.

«Balalarymyz endi bos ýaqyttaryn tıimdi paıdalanady jáne súıikti sport túrimen aınalysady. Meniń ulym fýtbolǵa áýes. Bolashaqta ataqty fýtbolshy bolǵysy keledi. Balalarymyzdyń keleshegi úshin jaǵdaı jasalyp jatqandyǵyna rızamyz», - deıdi qala turǵyny Marjan Tóleýova.

Aıta ketsek, budan buryn Respýblıka kúnine oraı Kókshetaýda 65 otbasy jańa páterdiń kiltin alǵanyn jazǵan edik.