Respýblıka kúni qarsańynda qosymsha poıyzdar qatynaıdy

<p>ASTANA. KAZINFORM &ndash; Respýblıka kúni merekesine oraı jolaýshylar aǵynynyń artýyna baılanysty qosymsha poıyzdar qatynamaqshy. Bul týraly &laquo;Jolaýshylar tasymaly&raquo; AQ baspasóz qyzmeti málim etti.&nbsp;</p>

Mereke kúni qatynaıtyn qosymsha poıyzdar kelesi baǵyttar boıynsha jolǵa shyǵady:

— № 630/629 poıyzy «Aqtóbe-Shalqar» baǵyty boıynsha 2024 jylǵy 22 qazannan bastap kúnara qatynaıdy;

— № 204 poıyzy «Astana-Shymkent» baǵyty boıynsha 2024 jylǵy 21 qazannan bastap kúndelikti qatynaıdy;

— № 216 poıyzy «Shymkent-Almaty» baǵyty boıynsha 2024 jylǵy 22 qazannan bastap kúndelikti qatynaıdy;

— № 201 poıyzy «Almaty-Astana» baǵyty boıynsha 2024 jylǵy 23 qazannan bastap kúndelikti qatynaıdy.

Poıyz quramynda kýpe jáne platskart vagondary da bolady.

Sonymen qatar, qala mańyndaǵy baǵyttar boıynsha 2024 jylǵy 25 jáne 27 qazanda «Qaraǵandy-Astana» baǵytyndaǵy elektr poıyzynyń baǵyty Býrabaı kýrorty stantsııasyna deıin uzartylady. № 7553/6811/6812/7556 «Qaraǵandy-Astana-Býrabaı kýrorty» elektrpoıyzynyń baǵyty:

— Astanadan saǵat 10:40–ta jóneltiledi, Býrabaıǵa saǵat 13:15–te keledi;

— Býrabaıdan saǵat 14:10–da keri jóneltiledi, Astanaǵa saǵat 17:00–de keledi.

Sonymen qatar, 2024 jylǵy 25, 26 jáne 27 qazanda «Ereımentaý-Astana-Kókshetaý» baǵytyndaǵy № 6831/6829/6830/6832 elektr poıyzynyń quramyna qosymsha vagondar qosylady.

Foto: «Jolaýshylar tasymaly» AQ baspasóz qyzmeti

Bıletterdi bilet.railways.kz saıtynan jáne «Jolaýshylar tasymaly» AQ bılet kassalarynan satyp alýǵa bolady. Jolaýshylar poıyzdarynyń qozǵalys kestesi týraly málimetterdi «1433» nómiri, sondaı-aq, «Jolaýshylar tasymaly» AQ-nyń resmı ınstagram @jolaushylar_tasymaly arqyly alýǵa bolady.