Respýblıka kúnine oraı elordada foto baıqaý jarııalandy

<p>ASTANA. KAZINFORM - Respýblıka kúnine oraı Astana qalasynyń Іshki saıasat basqarmasy jáne JQ &laquo;Jastar konventi&raquo; áleýmettik jelilerde &laquo;Fotokameradan qala turǵyndarynyń ómirinen úzdik kórinis&raquo; baıqaýyn jarııalady, dep jazdy elorda ákimdiginiń resmı saıty.</p>

Bul baıqaý arqyly elorda turǵyndary arasynda qoǵamdyq sananyń deńgeıin arttyrý, mádenı kodymyzdy nyǵaıtý jáne shyǵarmashylyq áleýetti damytý kózdeledi. Qatysýshylar ózderiniń kúndelikti ómirinen, erekshe sátterinen, turǵyndardyń mádenıeti men dástúrinen týyndaǵan fotosýretterdi usynyp, elorda ómiriniń árqıly kórinisterin kórsetý múmkindigine ıe bolmaq.

Baıqaý maqsaty – Elorda turǵyndarynyń ómiriniń sátterin, kúndelikti tirshiligin, mádenıetin, ádep-ǵurpyn jáne erekshe kórinisterin foto arqyly kórsetý.

Baıqaýǵa qatysý talaptary:

• Baıqaýǵa 14 jastan asqan Astana qalasynyń turǵyndary qatysa alady;
• Árbir qatysýshy 1 fotojumys usyna alady;
• Fotojumystar tek qatysýshynyń jeke týyndysy bolý kerek. Avtorlyq quqyqtarǵa qaıshy keletin jumystar qabyldanbaıdy;
• Fotojumystar buryn basqa baıqaýlarǵa jarııalanbaǵan jáne júldeli oryn almaǵan bolýy kerek;
• Qatysýshy fotojumysty 9-20 qazan aralyǵynda óziniń áleýmettik jelidegi paraqshasyna salýy kerek;
• Fotojumystar joǵary sapada túsirilgen jáne avtorlyq sıpattamasy bolýy kerek;
• Baıqaýǵa qatysýshy áleýmettik jelidegi @Elorda_madeni.kod akkaýntyn belgilep, osy akkaýntqa tirkelýi kerek.
• Baıqaýǵa qatysý úshin óz jumystaryńyzdy áleýmettik jelilerde jarııalaǵanda, mindetti túrde tómendegi heshtegterdi qoldanyńyz:

#QalaÓmiri
#MenińQalam
#ElordaSátteri
#QalaTurmysy
#StreetPhotographyKZ
#CityVibesKZ

Baıqaýǵa 2024 jyldyń 9-20 qazan aralyǵynda jarııalanǵan fotolar qatystyrylady. Qatysýshy óz jumystaryn ýaqtyly júktemegen jaǵdaıda odan keıin baıqaýǵa qatysý múmkindigi bolmaıdy.

Fotolar orıgınaldylyq pen kreatıvtilik; fotosýrettiń taqyrypqa sáıkestigi; tehnıkalyq sapasy; kórkemdik máni men mazmuny krıterııleri boıynsha baǵalanady. Avtorlyq quqyqty buzatyn, basqa adamnyń menshiginde dep tanylǵan fotosýretter baıqaýǵa qatysýdan shettetiledi.

Jeńimpazdar baǵaly syılyqtarmen marapattalady.