Respýblıka kúninde 200-den astam óskemendik Qazaqstan taýyna júgirip shyqty

<p>Óskemende Respýblıka kúnine oraı Oskemen Run 2023 saıysy ótkizildi. Oǵan 18-60 jas aralyǵyndaǵy 200-den astam adam qatysty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Saıysqa qatysýǵa nıet bildirgender qaladaǵy Krasın kenti arqyly Qazaqstan taýynyń etegine jınaldy.

Odan tómenirekte kelýshiler úshin palaý men ystyq shaı usynylǵan. Sharanyń uıymdastyrylýyna qala ákimdigi muryndyq bolyp otyr.

Áýeli jınalǵan jurt úshin kásibı sportshylar dene qyzdyrý jattyǵýyn ótkizdi.

Foto: Talǵatjan Muhametbekuly/Kazinform

Kópshilik aldyna shyǵyp, tájirıbesin bóliskenderdiń arasynda aýyr atletıkadan Rıo Olımpıadasynyń qola júldegeri Denıs Ýlanov, paýerlıftıngten oblys chempıonatynyń júldegeri Angelına Ýstınovıch, kórkem gımnastıkadan halyqaralyq dárejedegi sport sheberi, Azııa chempıony Renata Joldınova jáne 200 metrge kanoeede esýde Azııa oıyndarynyń kúmis júldegeri Margarıta Torlopova boldy.

Jarysqa barlyǵy 200-den astam adam qatysty.

Foto: Talǵatjan Muhametbekuly/Kazinform

Onyń ishinde respýblıkalyq, halyqaralyq básekelerde júldeli oryn alyp júrgenderi de bar.

— Osy saıysty dástúrli túrde ótkizip otyrý josparda bar. Bıyl alǵash ret qolǵa alyndy. Eń bastysy, eshkim jaraqat almaı, bıikti oıdaǵydaı baǵyndyrsa deımiz. Sportty janyna serik etkender úshin osyndaı sharalar áli de kóptep uıymdastyrylady, — dedi qala ákimi Jaqsylyq Omar.

Foto: Talǵatjan Muhametbekuly/Kazinform

Saıys qorytyndysy tómendegideı boldy:

Erler:
1 oryn — Aıan Qasymov (taýǵa 6 mınýt 8 sekýndta júgirip shyqty)
2 oryn — Fedor Sýhonosov (6.17)
3 oryn — Danıl Kýznetsov (6.20)

Qyzdar:
1 oryn — Angelına Kýzmına (7.52)
2 oryn — Larısa Pereverzeva (8.15)
3 oryn — Evgenııa Zavıalova (8.21)

Foto: Talǵatjan Muhametbekuly/Kazinform

Jeńimpazdar men júldegerler baǵaly syılyqtarmen marapattaldy.