Respýblıka kúnine oraı barlyq mektepte saltanatty jıyndar ótedi

ASTANA. QazAqparat - 21 qazanda Qazaqstannyń barlyq mektebi men kolledjinde Respýblıka kúnine arnalǵan saltanatty jıyn ótedi. Bul týraly QazAqparat Oqý-aǵartý mınıstrligine silteme jasap habarlaıdy.

Onda oqýshylar men stýdentter ánurandy oryndaıdy. Sol kúni oqý ozattary marapattalyp, barlyq bilim ordasynda «Qazaqstan – týǵan jerim, týǵan elim!» taqyrybynda respýblıkalyq synyp saǵaty ótedi.

«Elimizdiń bilim berý uıymdarynda Respýblıka kúnin merekeleý jónindegi respýblıkalyq is-sharalar jospary bekitildi. Respýblıka kúni – memlekettiń sımvolyn aıqyndaıtyn mańyzdy mereke. Bala kezinen bastap balalardy Otanǵa degen súıispenshilikke, memlekettik rámizderge, ulttyq jáne memlekettik merekelerge qurmetpen qaraýǵa baýlý mańyzdy. Osy sebepten elimizdegi barsha oqýshy úshin shyǵarmashylyq, tanymdyq, sporttyq, merekelik is-sharalardy josparlap otyrmyz», - deıdi QR Oqý-aǵartý mınıstrligi Orta bilim komıtetiniń tóraǵasy Gúlmıra Kárimova.

Respýblıka kúnin merekeleýge arnalǵan is-sharalar 17 qazanda bastalady. 1-4 synyp oqýshylary arasynda «Atameken» taqyryby boıynsha biryńǵaı jalpyhalyqtyq dıktant ótkiziledi. 5-11 synyp oqýshylary arasynda jalpyulttyq biryńǵaı esse baıqaýy ótedi. Al joǵary synyp oqýshylary, ıaǵnı 9-11 synyp oqýshylary arasynda «Men óz elimniń azamatymyn!» taqyrybynda pikirsaıystar jáne basqa da is-sharalar uıymdastyryldy.

Sonymen qatar «Qyran elim – Qazaqstanym!» jalpyrespýblıkalyq patrıottyq aktsııasy aıasynda kitap oqyǵyshtar baıqaýyn, sporttyq saıystardy jáne «Ulttyń uly ustazdary» respýblıkalyq shyǵarmashylyq baıqaýyn ótkizý josparlanyp otyr.