Respýblıka kúnine oraı astanada shahmattan halyqaralyq týrnır ótedi
Bul týraly halyqaralyq grossmeıster Dınara Sádýaqasova Prezıdent Qasym-Jomart Toqaevpen ótken kezdesýde aıtty.
«Óz tarapymnan bizdiń akademııanyń atqaryp jatqan jumysy týraly málimet bere ketkim keledi. Bul akademııa eki qalada bar. Biri el astanasynda, ekinshisi Atyraý qalasynda. Akademııada 1500-den astam bala oqyp jatyr. Túrli týrnırlerdi belsendi ótkizip kelemiz. Tamyz aıynda Atyraýda iri halyqaralyq shahmat festıvalin ótkizemiz. Ol jerde eresekter arasynda, balalar arasynda týrnır ótip, túrli sheberlik saǵattary men semınarlar uıymdastyrylady», - degen áıgili shahmatshy dál osnydaı týrnırdi Nur-Sultan qalasynda da ótkizýge bolatynyn atap ótti.
«Qoldaýyńyz úshin taǵy da alǵys aıtamyz. 25 qazan kúni el astanasynda Respýblıka kúnine arnalǵan dál sondaı týrnır ótkizsek degen úmitimiz bar», - dedi Dınara Sádýaqasova.
Eske salsaq, Ulytaýda ótken ulttyq quryltaıda Prezıdent Respýblıka kúnine ulttyq mereke mártebesin qaıtarýdy usynǵan bolatyn.