Respýblıka kúni qarsańynda 108 pavlodarlyq otbasy baspanaly boldy

PAVLODAR. QazAqparat – Ulttyq mereke qarsańynda Pavlodar oblysynda kezekte turǵan kópbalaly jáne tolyq emes otbasylarǵa páter kiltteri tabystaldy. Bul týraly óńirlik ákimdiktiń baspasóz qyzmetinen málim etti, dep habarlaıdy QazAqparat tilshisi.

«Búgin 108 qala turǵynynyń páter kiltin alǵanyna óte qýanyshtymyn. Olardyń ishinde kópbalaly analar, jetimder, áleýmettik jaǵynan az qamtylǵandar bar. Ekibastuzda turǵyn úı qurylysy jalǵasyn tabady. Sońǵy úsh jylda Ekibastuzda 16 kópqabatty úı salyndy. Bir móltek aýdan boı kóterdi», - dedi Pavlodar oblysynyń ákimi Ábilqaıyr Sqaqov.

Baspanaly bolǵandardyń biri – kópbalaly ana Aıdana Muhamedıanova. Tórt balany jalǵyz asyrap otyrǵan turǵynǵa oblys ákimi turmystyq tehnıka satyp alýǵa qajetti sertıfıkat tabystady.

«Biz úshin bul aıtýyly kún boldy. Tarıhı mereke qarsańynda páter kiltin alyp otyrmyz. Búgin júzdegen otbasy baspanaly boldy», - dedi qala turǵyny.

Ákimdik dereginshe, bıyl 21-móltek aýdanda 180 páterli eki turǵyn úı paıdalanýǵa berilgen. Taǵy 144 páterli eki baspananyń qurylysy júrip jatyr.