Respýblıka kúni: Jetisý oblysynyń Úshtóbe qalasynda ólketaný mýzeıi ashyldy

<p>Jetisý oblysynyń Úshtóbe qalasynda ólketaný mýzeıi ashyldy. Eki qabatty jańa mýzeı ǵımaratynyń jalpy aýdany 2520 sharshy metr bolsa, ekspozıtsııasy 9 bólikten turady, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Birinshi qabatta Qaratal aýdanynyń arheologııasy, faýnasy men florasyna arnalǵan bólimder ornalasqan. Al ekinshi qabatta halqymyzdyń etnografııalyq damýyna qatysty jádigerler qoıylǵan. Munda Qazaq handyǵynyń qalyptasýy men damýy, Uly Otan soǵysy kezeńi, 1868 - 1941, 1945 - 1991 jyldar aralyǵyndaǵy aýdan tarıhy týraly syr shertetin zaldar da bar. 

Foto: Jetisý oblysynyń ákimdigi

Sondaı-aq Qazaq KSR Memlekettik syılyǵynyń ıegeri, belgili rejısser ári akter Qanabek Baıseıitov, jazýshy Kemel Toqaev, Qazaqstannyń Halyq ártisi Bıken Rımova jáne basqa da ólke maqtanyshtarynyń ómiri men shyǵarmashylyǵynan mazmundy maǵlumatty osy bólikten alýǵa bolady. 

Foto: Jetisý oblysynyń ákimdigi

«Qaratal aýdanyndaǵy bul jańa ǵımaratty jurt asyǵa kútti. Endi bir mezgilde 130 adam kire alatyn jańa mýzeı kelýshilerge esik ashty. Munda zamanaýı tehnologııalar: mýltımedııalyq sensorly monıtorlar, aqparattyq dúńgirshekter jáne LED ekrandary bar. Osynyń bári kelýshilerge, ásirese mektep oqýshylaryna mýzeıdegei ekskýrsııanyń paıdaly ári qyzyqty ótýine múmkindik beredi. Barshańyzdy elimizdiń mádenı jáne rýhanı murasymen tanystyratyn mýzeıge kelip, túrli eksponattarmen tanysýǵa shaqyramyn», - dedi mýzeıdiń ashylýynda sóz alǵan Jetisý oblysy máslıhatynyń hatshysy Gúlnar Ismaǵulova.

Foto: Jetisý oblysynyń ákimdigi