Respýblıka kúni qarsańynda elorda ǵımarattaryna 1000-nan astam tý ilindi

<p>Elordada &laquo;Meniń elim &ndash; meniń týym!&raquo; chellendji aıasynda qala turǵyndary 1000-nan astam tý ildi, dep habarlaıdy <a href="https://kaz.inform.kz/" target="_blank" rel="noopener">Kazinform</a> elorda ákimdiginiń resmı saıtyna silteme jasap.</p>

«Astana jastary» eriktileri memlekettik rámizdi dáripteý boıynsha alǵashqylardyń biri bolyp úlken aktsııany bastady. Instagram jelisinde olar qazaqstandyqtardy ózderiniń týmen túsken foto/vıdeolaryn jarııalaýǵa jáne #RepublicDay #RespýblıkaKúni #kzdayrepublic heshtegimen belgileýge shaqyrdy.

Eriktilerdiń aıtýynsha, patrıottyq is-shara jyl saıyn ótkiziledi. Bul tek bezendirilgen úılerdiń turǵyndarynyń ǵana emes, elorda kóshelerimen ótip bara jatqan adamdardy da qýanyshqa bóleıdi. Astanalyqtar bul bastamany jyly qabyldap, aktsııaǵa qosyldy.

«Mundaı kórinis erekshe áser beredi. Jumysqa bara jatqanda osy kóriniske kóz júgirtip, eriksiz kóńil kúıim kóteriledi. Meniń oıymsha, adamdardy kúndelikti kúıbeń tirlikten alshaqtatyp, oıyn bólý kerek», – dep bólisti Astana turǵyny Tamara Sývorına.

Aıta keteıik, qalanyń ortalyq kóshelerinde (Táýelsizdik, B.Momyshuly dańǵyldary, Saraıshyq, Syǵanaq, Dostyq kósheleri, Respýblıka, Uly dala dańǵyldary jáne t.b.), jol boıynda QR týlary ilingen.

Jalpy Astana qalasy boıynsha myńnan astam tý ilindi. Aktsııa jalǵasyp jatyr.