Respýblıka kúni Astanada otshashý bolmaıdy

<p>Astana ákimdiginiń baspasóz qyzmeti 25 qazan &ndash; Respýblıka kúni elordada qandaı merekelik sharalar ótetinin aıtyp berdi, dep habarlaıdy <a href="https://kaz.inform.kz/search_results/?q=%D0%BC%D0%B5%D1%80%D0%B5%D0%BA%D0%B5&amp;page=2&amp;page=3&amp;page=4" target="_blank" rel="noopener">Kazinform</a> agenttigi.</p>

«Respýblıka kúnine oraı, elordada 200-den asa mádenı, bilim, sporttyq jáne áleýmettik is-sharalar ótkizý josparlanǵan. Atap aıtqanda merekelik kontsertter, avtosherýler, kórmeler, balalarǵa arnalǵan kórnekti nysandarǵa ekskýrsııalar, dóńgelek ústelder, ulttyq sport túrlerinen týrnırler, áleýmettik osal top ókilderine azyq-túlik sebetterin taratý, páter kiltterin tabystaý jáne basqalary bar. Otshashý bolmaıdy», - dep jazylǵan ákimdiktiń resmı jaýabynda.

Іs-sharalar ortalyq alańdar jáne iri nysandar mańaıynda, sonymen qatar turǵyn alaptary men bilim berý uıymdarynyń aýmaqtarynda ótedi.

Bul kúnderi qalanyń bes aýdanynyń turǵyn alaptarynda saǵat 12.00-de merekelik kontsertter bastalady:

Saryarqa aýdany – Kóktal-2 turǵyn alaby (Qorǵaljyn alańy);

Baıqońyr aýdany – Óndiris turǵyn alaby;

Almaty aýdany – Internatsıonalnyı turǵyn alaby (Mereke kóshesi, 2/1);

Esil aýdany – Prıgorodnyı turǵyn alaby;

Nura aýdany – Syǵanaq-Aıtmatov qıylysyndaǵy saıabaq.

Aıta keteıik, Respýblıka kúnin merekeleý qarsańynda elorda turǵyndary «Meniń elim – meniń týym!» chellendjin bastady. Astananyń bes aýdanynda terezeler men balkondarǵa jáne kóshe boıyna 1000-nan astam tý ilingen.