Respýblıka kúni: 68 pedagog memlekettik nagradamen marapattaldy

<p>Búgin Astanada Respýblıka kúni qarsańynda elimizdiń túkpir-túkpirinen kelgen ustazdar memlekettik nagradaǵa ıe boldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«25 qazan — tarıhı data. Osy kúni elimizdiń egemendigi jarııalandy. Elimiz táýelsiz memlekettiń qalyptasýy men damýynyń ártúrli kezeńin eńserdi. Munyń bári azamattarymyzdyń, onyń ishinde otandyq bilim berý júıesiniń damýyna úles qosatyn pedagogtardyń, oqýshylar men stýdentterdiń jetistikterimen de tyǵyz baılanysty. Bıyl bizdiń balalar túrli halyqaralyq olımpıadalarda 241 medal jeńip aldy, 23 oqýshy álemdegi eń bedeldi jeti olımpıadanyń úzdikteriniń qataryna ilikti. Alǵash ret Qazaqstan quramasy EuroSkills-te 2 medal jáne 4 úzdik medalon jeńip aldy. Bizdiń jigitter jyldan-jylǵa eń bıik halyqaralyq arenalarda elimizdiń týyn kóterýdi jalǵastyra beredi», - dedi Oqý-aǵartý mınıstri Ǵanı Beısembaev saltanatty sharada.

Foto: Oqý-aǵartý mınıstrligi

Pedagogtar «Parasat», «Qurmet» ordenin, «Eren eńbegi úshin», «Eńbek ardageri», Ybyraı Altynsarın, «Bilim berý isiniń qurmetti qyzmetkeri» medalin jáne mınıstrdiń atynan qurmet gramotasyn jáne alǵys hat aldy.

Foto: Oqý-aǵartý mınıstrligi

Odan bólek, «Oqý-aǵartý mınıstrliginiń eńbek sińirgen qyzmetkeri» dıplomy tabys etildi. 

Foto: Oqý-aǵartý mınıstrligi

Saltanatty sharanyń sońy merekelik kontsertke ulasty.

Foto: Oqý-aǵartý mınıstrligi