Respýblıka boıynsha qyzylshanyń 20 188 jaǵdaıy tirkeldi

<p>Densaýlyq saqtaý mınıstrligi eldegi qyzylsha aýrýynyń taralýyna qatysty sońǵy málimetpen bólisti, dep habarlaıdy <a href="Kazinform" target="_blank" rel="noopener">Kazinform</a>.</p>

«Búgingi tańda qyzylsha boıynsha qalyptasqan epıdemıologııalyq jaǵdaı kúrdeli kúıinde qalyp otyr. 2023 jyldyń basynan bastap respýblıka boıynsha qyzylshanyń 20 188 jaǵdaıy tirkeldi. Onyń 81% - y 14 jasqa deıingi balalarǵa tıesili, bul - 16 351 jaǵdaı. Jasóspirimder arasynda 706 jaǵdaı tirkeldi – bul eresekter arasynda 3,4% jáne 15,4% tirkelgen, ıaǵnı 18 jastan asqan – 3 131 jaǵdaı», - dedi Densaýlyq saqtaý mınıtsrligi Qoǵamdyq densaýlyq saqtaý ulttyq ortalyǵynyń basqarma tóraǵasy Manar Smaǵul Ortalyq kommýnıkatsııalar qyzmeti alańynda ótken baspasóz máslıhatynda.

Qyzylsha aýrýlary barlyq aımaqtarda tirkelgen.

«Qyzylsha juqtyrǵandardyń kóbisi Shymkentte – 3 069 jaǵdaı, 100 myń turǵynǵa shaqqandaǵy kórsetkish – 263,5, Almatyda – 3 010, Almaty oblysynda – 1812 jaǵdaı, Jambyl oblysynda – 2 724, Mańǵystaý oblysynda – 1701, Atyraý oblysynda – 1377, Aqtóbe oblysynda – 1485 jaǵdaı jáne Qyzylorda oblysynda-1182 jaǵdaı tirkeldi. Kún saıyn el aýmaǵynda qyzylshanyń 350 - ge jýyq jaǵdaıy tirkeledi jáne negizgi syrqattanýshylyq vaktsınatsııalanbaǵan adamdarǵa tıesili. Aýrýdy juqtyrǵandar vaktsına almaǵan. Onyń ishinde 83,6% balalar», - deıdi ol.

Onyń aıtýynsha, ujymdarda, 643 mektepte qyzylshanyń 1466 jaǵdaıy tirkeldi. Sońǵy 72 saǵat ishinde 3898 adamǵa vaktsına salyndy.