Respýblıka aýmaǵynda «Joldaǵy qabyldaý» aktsııasy ótedi

NUR-SULTAN. QazAqparat – Respýblıka aýmaǵynda «Joldaǵy qabyldaý» aktsııasy ótkizedi. Bul týraly QR Іshki ister mınıstrliginiń resmı ókili Nurdildá Oraz málim etti, dep habarlaıdy QazAqparat tilshisi.

«Іshki ister mınıstrligi 21-22 mamyr kúnderi «Joldaǵy qabyldaý» keń aýqymdy respýblıkalyq aktsııa ótkizedi. Elimizdiń qalalary men aýdan ortalyqtarynda polıtsııa departamentteriniń, ákimshilik polıtsııanyń, jergilikti jáne kóshi-qon qyzmetteriniń basshylary kózde-kóz júzdesý formatynda, aldyn alý jazylýsyz onlaın qabyldaýlar ótkizedi», - dedi ol Іshki ister mınıstrliginde ótken baspasóz máslıhaty barysynda.

Onyń atap ótýinshe, aktsııa barysynda «qaýyrt jeliler», skaıp-konferentsııalar, álýmettik jelilerdegi polıtsııa akkaýnttarynda, óńirlik BAQ-tardyń aqparattyq platformalarynda habarlamalar arqyly konsýltatsııalar uıymdastyrylady.

«Joldaǵy qabyldaý» aktsııasy qarapaıym azamattar úshin problemalaryn beıresmı jaǵdaıda jedel sheshýge jol ashady. Mundaı konsýltatsııalar azamattarǵa polıtsııamen tikeleı júzdesýge, al polıtsııaǵa halyqpen tıimdi ózara is-qımyldy jolǵa qoıýǵa múmkindik beredi», - dedi resmı ókil.