Respublica partııasy máslıhat saılaýyna qatysa almaıdy

ASTANA. QazAqparat – 19 naýryzda ótetin máslıhat depýtattaryn saılaýǵa Respublica partııasy qatysa almaıdy jáne «Baıtaq» jasyldar partıaısynyń qatysýyna shekteý bar, dep habarlaıdy QazAqparat tilshisi.

«Baıtaq» saıası partııasy tıisti qurylymdyq bólimsheleriniń bolmaýyna baılanysty, tek Atyraý, Qaraǵandy jáne Qyzylorda oblystarynda máslıhat depýtatyn saılaýǵa qatysa alady. Respublica partııasy tıisti qurylymdyq bólimshelerdiń bolmaýyna baılanysty máslıhat saılaýyna jiberilmedi», - dep túsindirdi QR Ortalyq saılaý komıssııasynyń tóraǵasy Nurlan Ábdirov.

Tóraǵa máslıhattarǵa depýtat kandıdattaryn usyný keshe 20 qańtarda bastalyp, 8 aqpanǵa deıin jalǵasatynyn atap ótti.

«Baıtaq» jáne Respublica partııalary osy kezeńde óńirlerde óz fılıaldary men ókildikterin ashyp úlgergen jaǵdaıda tıisti saılaýǵa qatysýǵa ruqsat ala alady.

Qazaqstannyń basqa bes saıası partııasy máslıhattar saılaýyna esh shekteýsiz jiberildi. Osylaısha, partııalyq tizimder boıynsha saılanatyn QR máslıhattary depýtattarynyń kezekten tys saılaýyna myna partııalar qatysady:

- «Aq jol» Qazaqstan demokratııalyq partııasy;

- «AMANAT» partııasy;

- «Aýyl» halyqtyq-demokratııalyq patrıottyq partııasy;

- «Baıtaq» Jasyldar partııasy;

- Jalpyulttyq sotsıal-demokratııalyq partııa;

- Qazaqstan Halyq partııasy;