Respublica partııasy fılıalynyń tóraǵasy Ashat Bekturov dúnıeden ótti

QARAǴANDY. QazAqparat - Respublica partııasy Qaraǵandy oblystyq fılıalynyń tóraǵasy Ashat Bekturov mezgilsiz qaıtys boldy. Qaıǵyly habardy partııa basshysy Aıdarbek Qojanazarov jetkizdi, dep habarlaıdy QazAqparat.

«Qaraǵandydan sýyq habar jetti. Partııalasymyz, oblystyq partııa fılıalynyń jetekshisi jáne máslıhat depýtaty Ashat Esenturov 41 jasynda ómirden ótti. Bul qaıǵyly habar bárimizdiń qabyrǵamyzdy qaıystyryp otyr. Ashat Esenturov qandaı tulǵa bolǵanyn jetkizý úshin ómiriniń bir bóligin bólissem. Ózi múmkindigi shektelýi azamat bola tura «Qolǵanat-Qaraǵandy» tigin kompanııasyn ashty. Bul áleýmettik kásiporyn Qazaqstan naryǵynda segiz jyldan beri jumys istep, 50-den astam adamdy jumyspen qamtydy, onyń jartysynan kóbi - múmkindigi shekteýli jandar»,- dep jazdy Aıdarbek Qojanazarov Instagram paraqshasynda.

Onyń aıtýynsha, Ashat Bekturovtyń alǵa qoıǵan taǵy bir jospary - balalarǵa arnalǵan ekologııalyq oıynshyqtar shyǵarýdy jolǵa qoıý, óndiristi keńeıtip, eń bastysy – zeınet jasyndaǵy adamdardy da jumyspen qamtý edi.

«Ashat Jalǵasbaıuly bizdiń jadymyzda ádepti, eńbekqor, adal, óz isiniń kásibı mamany, eliniń naǵyz azamaty retinde saqtalady»,- dep túıindedi ol.