Respublica partııasy: Bizdiń basty qundylyǵymyz – halyqtyń senimi

ASTANA. QazAqparat - Respublica partııasy áleýmettik jelidegi paraqshasynda ózderiniń basty qundylyǵy – halyqtyń senimi ekenin ekenin málimdedi, dep habarlaıdy QazAqparat.

«2023 jyldyń 19 naýryzy – Respublica partııasynyń tarıhynda erekshe kún. Respublica tarıhqa QR Parlamentine ótken alǵashqy saılaý kúni retinde enedi!

Árıne, bul – óz qyzmetin 2 aı buryn bastaǵan jańa partııa úshin jaqsy kórsetkish, biraq budan da joǵary nátıjege jetýimiz kerek edi!

Qazaqstan halqyna tańdaýy, senimi úshin shyn júrekten alǵys aıtqym keledi! Saılaý aldyndaǵy kezeńde jáne saılaý kúni kórsetken qoldaýlaryńyzdy biz eshqashan umytpaımyz!

Aldyn ala málimetter boıynsha, Respublica 8,9% úlesimen daýys sany boıynsha 3-orynda tur.

Biz Qazaqstannyń bolashaǵyna jańa qadamdar jasap, naǵyz patrıottar retinde elimizdiń múddesi úshin áreket ete beremiz.

Bizdiń basty qundylyǵymyz – halyqtyń senimi. Saılaý naýqany kezeńinde biz elimizdiń barlyq óńirlerin araladyq, aýqymdy jumystardy atqardyq.

Biz halyqtyń úni jáne elimizdegi ózgeristerdiń naǵyz qozǵaltqyshy bolý úshin aıanbaı eńbek ete beremiz.

Biz áreket etýdi jalǵastyrýymyz kerek!» - delingen málimdemede.