Respublica-dan Májilis mandatyn ıelengender málim boldy
22:41, 27 Naýryz 2023
ASTANA. QazAqparat - Respublica tóraǵasy Aıdarbek Qojanazarov Májilis depýtaty mandatyn ıelengen partııalastarynyń tizimin usyndy, dep habarlaıdy QazAqparat.
«Búgin OSK Parlament Májilisiniń depýtattaryn saılaýdyń qorytyndysyn jarııalady. Respublica partııasy 547 154 daýys jınap, 8,59% kórsetkishpen Parlamenttiń tómengi palatasyna 6 mandat alyp, úshinshi orynǵa ıe boldy.
Májiliste bizdiń partııamyzdyń atynan shyǵatyn depýtattar - men, partııa tóraǵasy Aıdarbek Qojanazarov, partııanyń teń tóraǵalary - Dınara Shúkijanova men Rýslan Berdenov, sondaı-aq Dınara Naýmova, Nurgúl Taý jáne Oljas Quspekov», - dep jazdy partııa lıderi áleýmettik jelidegi paraqshasyna.