Resmı qarjy sektory krıptovalıýtalardy paıdalanbaýy tıis - Oleg Smolıakov

ASTANA. QazAqparat - Resmı qarjylyq sektor krıptovalıýtalardy paıdalanbaýy tıis. Bul týraly Senattyń Qarjy jáne bıýdjet komıtetiniń keńeıtilgen otyrysynda QR Ulttyq banki tóraǵasynyń orynbasary Oleg Smolıakov málim etti, dep habarlaıdy QazAqparat.

Aıta keteıik,otyrys barysynda «Valıýtalyq retteý jáne valıýtalyq baqylaý týraly» zań jobasy talqylandy.

«Ózderińiz bilesizder, qazirgi kezde Memleket basshysynyń tapsyrmasy boıynsha jumys toby quryldy. Olar vedomstvoaralyq sıpatqa ıe. Qaralatyn máseleler aýqymdy. Sebebi keı kezde bizde «krıptovalıýta» jáne «krıptotehnologııalar» túsinikterinde jańylysý jaǵdaılary kezdesedi. ıAǵnı mundaı tehnologııalar qyzyǵýshylyq týdyrady. Búginde krıptotehnologııalar keńinen tarap keledi. Krıptovalıýta máselesi shyn máninde kúrdeli.

Ulttyq banktiń ustanymyna toqtalsaq, bizdińshe, resmı qarjy sektory osy valıýtalarmen operatsııalardan tys bolýy tıis. Osy oraıda bul valıýtalardy bankter paıdalanbaýy qajet. Naryqta jumys istep turǵan túrli qarjylyq tetikterdiń krıptovalıýtaǵa baılanýyna jol berilmeýi kerek. Óıtkeni krıptovalıýta óte qubylmaly jáne mindettemelerdi kimder qamtamasyz etip turǵandyǵy túsiniksiz. Sondyqtan da biz osy ustanymdamyz», - dedi O. Smolıakov depýtattar saýalyna jaýap bere otyryp.

Onyń sózine qaraǵanda, ortaq tájirıbe áli de pysyqtalmaǵandyqtan, osy máseleni taǵy da talqylaý qajet. Múmkin qandaı da bir alańdarda belgilengen sheshimder engizilýi yqtımal. Mysaly «Astana» halyqaralyq qarjy ortalyǵy krıptovalıýtalarmen jumys isteý múmkindigin qarastyryp otyr.

Zań jobasynyń negizgi maqsaty - el ekonomıkasynyń qazirgi damý kezeńine, elimizdiń álemdik júıege kirýine jáne DSU-ǵa enýge baılanysty valıýtalyq zańnamany josparly túrde ózgertý bolyp tabylady.

Talqylaýdan keıin komıtet músheleri zań jobasyn palatanyń jalpy otyrysyna engizý sheshimin qabyldady.