Resmı: 2023 – baqylaý tarıhyndaǵy eń ystyq jyl

<p>Aı saıyn, keıde kún saıyn jańa temperatýralyq rekordtar tirkelgen 2023 &ndash; baqylaý tarıhyndaǵy eń ystyq jyl dep tanyldy. <a href="Kazinform" target="_blank" rel="noopener">Kazinform </a>bul týraly <a href="https://ru.euronews.com/green/2024/01/09/green-copernicus-weather-report-2023-ru" target="_blank" rel="noopener">Euronews</a>-ke silteme jasap habarlaıdy.</p>

Eýropalyq Copernicus agenttiginiń jyl saıynǵy jahandyq esebinde maýsymnan bastalǵan ystyq temperatýra 2023-ke eń ystyq ataǵyn alyp berip, buǵan deıin eń jyly retinde tirkelgen 2016 jyldan asyp túskeni jazylǵan.

Derekter jer betiniń temperatýrasy kóterilgenin ındýstrııaǵa deıingi kórsetkishke qatynasy arqyly kórsetedi.

Kesteden baıqaǵanymyz, jyldyń keı kezeńderinde ortasha kúndik temperatýra bul dárejeden 2°C joǵary bolǵan.

Álemde orman órtteri kóp bolyp, aptap ystyqtar tirkeldi. Oǵan El-Nıno tabıǵat qubylysynyń da áseri bolǵan tárizdi.

Eýropadaǵy temperatýra 11 aı boıy ortasha kórsetkishten asty, al ótken qyrkúıek baqylaý tarıhynda eń jyly boldy.

Sondaı-aq baıandamada 2024 jylǵy qańtar nemese aqpanda aıaqtalatyn 12 aıdyń kórsetkishi jahandyq temperatýra kóterilýiniń qaýipti deńgeıinen 1,5 gradýsqa asyp túsetini aıtylǵan.