Reseımen shekarany demarkatsııalaý qashan aıaqtalady – SІM jaýaby

ASTANA. QazAqparat – Syrtqy ister vıtse-mınıstri Roman Vasılenko reseımen aradaǵy shekarany demarkatsııalaý protsesi qandaı satyda ekenin aıtty, dep habarlaıdy QazAqparat tilshisi.

«Reseı Federatsııasymen aradaǵy shekarany demarkatsııalaý protsesi birneshe jyldan beri jalǵasyp keledi. Qazirgi kezeńde bul protsess qorytyndy satyda dep aıtýǵa bolady. Óz baıandamamda aıtqanymdaı, Qazaqstannyń Reseımen shekarasynyń uzyndyǵy 7,5 myń shaqyrymnan astam», - dedi ol Senat otyrysynan keıin.

Roman Vasılenko eki eldiń arasyndaǵy shekara álemdegi eń uzaqqa sozylyp jatqan shekara ekenin eske saldy.

«Sondyqtan elestete alasyzdar dep oılaımyn. Jergilikti oryndarda shekara syzyǵyn anyqtaýda qıyndyqtar týyndap jatady. Óıtkeni shekara syzyǵy kúrdeli releftiń ústimen ótýi múmkin. Mysaly, taýly jerde bolýy múmkin degen sııaqty. Sondyqtan Reseı Federatsııasymen shekarany demarkatsııalaý protsesi únemi, údemeli jalǵasyp jatyr. Aıtalyq, Ózbekstanmen aradaǵy shekarany shegendeý protsesi de birneshe jylǵa sozylyp keledi», - dedi Roman Vasılenko.