Reseımen kelisim negizinde Óskemende salynatyn jylý ortalyǵy qandaı otyndy qoldanady

<p>Reseımen kelisim negizinde Óskemende salynatyn JEO áýelde kómirmen jaǵylyp, keıin gazǵa kóshirilýi múmkin. Bul týraly qala turǵyndarymen kezdesken ShQO ákimi Ermek Kósherbaev aıtty, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform</a>.</p>

Osyǵan deıin Reseı men Qazaqstannyń shekaralas aımaqtarynyń forýmynda elimizdiń 3 qalasynda, onyń ishinde Óskemende jylý elektr ortalyǵynyń qurylysy júrgiziletindigi týraly aıtylǵan. Ermek Kósherbaev qazirgi ýaqytta kórshi elmen Energetıka mınıstrligi kelissóz júrgizip jatqanyn málim etti.

«Óskemen qalasynyń sol jaǵalaýynyń jańadan salynǵan aýdandary úshin bul óte qajet. Sebebi búginde jylý energııasynyń tapshylyǵy saǵatyna 232 Gkal quraıdy. Jańa jylý elektr ortalyǵy áýelde kómirmen jaǵylady dep kútilýde. Alaıda keıinnen ony gazǵa kóshirý kózdelgen», - dedi oblys ákimi.

Alaıda qala turǵyndary kómirmen jaǵylatyn taǵy bir JEO-nyń onsyz da múshkil ekologııalyq jaǵdaıdy odan saıyn qıyndatyp jibere me dep alańdaıdy.

Taıaýda bul máselege oraı Kazinform tilshisine energetık Aıbek Aqaev suhbat bergen edi.