Reseılikter Oralǵa jappaı kóship kelip jatyr degen jalǵan habar tarady

<p>ORAL. KAZINFORM &mdash; Áleýmettik jelide reseılikterdiń Oralǵa jappaı kóship kelip jatqany jóninde beınejazba tarady.</p>

Beınejazbada er adam orystardyń júkterimen, zattarymen soǵystan qashyp kelip jatqanyn aıtady. 

BQO polıtsııa departamentiniń baspasóz qyzmetinen málim etkendeı, 26 tamyzǵa qaraǵan túni Oralǵa Reseıden bosqyndardyń úsh avtobýspen kelgeni týraly beınejazba áleýmettik jelide keńinen taralǵan.

«Atalǵan aqparat shyndyqqa janaspaıdy. Shyn mánisinde bular – Reseı Federatsııasyndaǵy JOO-larǵa túsken BQO mektepteriniń túlekteri. Atap aıtqanda, beınejazbaǵa Qazanǵa bara jatqan abıtýrıentter (135-teı adam) túsken. Qoǵamdyq tártipti buzý nemese azamattardyń nemese uıymdardyń quqyqtary men zańdy múddelerine ne qoǵamnyń nemese memlekettiń zańmen qorǵalatyn múddelerine eleýli zııan keltirý qaýpin tóndiretin kórineý jalǵan aqparat taratqany úshin QR Zańyna sáıkes qylmystyq jaýapkershilik qarastyrylǵanyn eske salamyz», dep habarlady vedomstvodan. 

Eske sala keteıik, budan buryn áleýmettik jelide mas kúıde balaǵat sózder aıtqan turǵynnyń ustalǵanyn jazǵan bolatynbyz.