Reseılik klýb Zaınýtdınovqa tańdanysyn bildirdi

<p>Máskeýdiń TsSKA klýby óziniń burynǵy fýtbolshysy Bahtıer Zaınýtdınovtyń Qazaqstan quramasyndaǵy jetistigine qatysty pikirin bildirdi. Kazinform agenttigi bul týraly <a href="https://www.sports.kz/news/myi-ne-mogli-proyti-mimo-etoy-novosti-zaynutdinov-vyizval-voshischenie-rossiyskogo-kluba" target="_blank" rel="noopener">Sports.kz</a> portalyna silteme jasap habarlaıdy.&nbsp;</p>

«Biz bul jańalyqty eleýsiz qaldyra almadyq!» Bahtıer Zaınýtdınov – Qazaqstan quramasynyń tarıhyndaǵy úzdik bombardır! 2024 jylǵy Eýropa chempıonatynyń irikteý matchynda Baha Fınlıandııaǵa qaqpasyna dýbl jasap, 14 golmen óz komandasynyń tarıhyndaǵy úzdik bombardır atandy!" – dep jazǵan klýbynyń baspasóz qyzmeti.

Eske sala ketsek, fýtboldan 2024 jylǵy Eýropa chempıonatyna irikteý satysynda Qazaqstan quramasy segizinshi oıynyn Fınlıandııaǵa qarsy ótkizip, qarsylasynan 2:1 esebimen basym tústi.

Fınlıandııa quramasyn jeńgennen keıin Qazaqstan 15 upaı jınap, H tobyndaǵy týrnır kestesinde úshinshi orynda tur. Segiz týrdan keıingi komandalardyń kórsetkishi kelesideı: Slovenııa – 19 upaı, Danııa – 19 upaı, Qazaqstan – 15 upaı, Fınlıandııa – 12 upaı, Soltústik Irlandııa – 6 upaı, San-Marıno – 0 upaı.