Reseılik hırýrg atyraýlyq naýqas balalarǵa bes kúrdeli ota jasady

<p>Reseılik hırýrg Atyraý oblystyq balalar aýrýhanasynda &laquo;Shuǵyl balalar hırýrgııasy&raquo; jobasy sheńberinde naýqas balalarǵa kúrdeli bes ota jasady, dep habarlaıdy <a href="Kazinform" target="_blank" rel="noopener">Kazinform. &nbsp;</a></p>

Akademık S.Doletskıı atyndaǵy Reseı medıtsınalyq úzdiksiz kásiptik bilim berý akademııasy balalar hırýrgııasy kafedrasynyń meńgerýshisi, medıtsına ǵylymdarynyń doktory ıÝrıı Sokolovtyń aıtýynsha, buǵan deıin Almaty, Aqtaý, Semeı qalalarynda sheberlik saǵatyn ótkizgen. Al Atyraýǵa alǵash ret kelgen.

«Sheberlik saǵaty kúrdeli otalardy zamanaýı tehnologııanyń kómegimen jasaý, jergilikti mamandardy daıarlaý maqsatynda ótkizildi. Mundaǵy zamaýnı medıtsınalyq jabdyqtar bar. Bes ota jasadym. Atyraýlyq dárigerlerge ár otanyń kúrdeligi, mańyzy jóninde tájirıbemmen bólisip, tolyq aqparat berdim. Jalpy medıtsına salasy jańashyldyqty talap etedi. Aldaǵy ýaqytta aýrýhanalar jańa tehnologııalarmen tolyqtyrylyp, dárigerler bilimin jetildirip turǵany jón», -deıdi ıÝrıı Sokolov.

Oblystyq balalar aýrýhanasynyń dırektory Nurqabyl Aıtmuhambetovtiń aıtýynsha, reseılik balalar hırýrgy emdeý tásilderin dárigerlerge úıretken. Otanyń bári sátti bolǵan. Qazir ota jasalǵan balalardyń jaǵdaıy qalypty, dárigerlerdiń jiti baqylaýyna alynǵan.

«Kúrdeli ota 3-15 jastaǵy balalardyń asqazan-ishek joldary aýrýyna jasaldy. Bir balada gemolıtıkalyq anemııa boldy. Ota kezinde kókbaýyr kıstasy alynyp tastaldy. Taǵy bir balaǵa ót joldarynyń aqaýy dıagnozy qoıylǵan. Balalardyń bári otadan keıingi ońaltý kezeńinen ótip jatyr», - dedi balalar aýrýhanasy hırýrgııa bóliminiń meńgerýshisi Gúlmıra Merǵazıeva.

Eske sala ketelik, buǵan deıin Atyraýda dúnıege kelgen 20 mıllıonynshy sábıdiń esimi – Muhammad ekenin jazǵan edik.