Reseılik astyqtyń zańsyz tranzıti Qazaqstannyń eksportyna kedergi keltirýi múmkin

<p>&laquo;Qazaqstannyń Astyq odaǵy&raquo; ZTB tóraǵasy Nurlan Ospanov reseılik astyqtyń Qazaqstan arqyly tranzıti jóninde pikir bildirdi, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«1,5 mln tonna (Reseıden jetkizilgen astyq) resmı túrde kirgizildi. Biraq astyq beıresmı túrde jetkizilip, odan ári Ortalyq Azııaǵa qaıta eksporttalatynyn bári biledi. Bul astyq bizdegi óńdeýshilerge baǵyttalyp kirgiziledi, alaıda óńdeýshilerdiń keıbiri óz mindetin adal oryndamaı jatýy múmkin. Sondyqtan reeksport problemasy bar, bizdiń naryqtarǵa tranzıt áli de kóbeıip keledi», - dedi N. Ospanov Májiliste elimizdiń astyq naryqtaryn talqylaýǵa arnalǵan jıynda.

Onyń aıtýynsha, Reseıden keletin astyq tranzıtin retteý qajet.

«Reseı astyǵy Qazaqstan arqyly biz astyqty satpaq bolǵan naryqtarǵa ótip jatyr. Sondyqtan biz Úkimettiń nazaryn tranzıtti qandaı da bir jolmen retteý qajet ekenine aýdaramyz. Óıtkeni bul elderge astyq pen un tasymaly neǵurlym kóp bolsa, soǵurlym osy memleketterge Qazaqstan ónimin ótkizý qıyndaı túsedi», - dedi «Qazaqstannyń Astyq odaǵy» ZTB tóraǵasy.