Reseılikterdiń kóptep kelýi Qazaqstannyń eńbek naryǵyna qalaı áser etedi

NUR-SULTAN. QazAqparat – Reseılikterdiń Qazaqstanǵa kelýi eńbek naryǵyna esh júkteme túsirmeıdi. Bul týraly Tamara Dúısenova aıtyp berdi, dep habarlaıdy QazAqparat tilshisi.

«Qazir Qazaqstanǵa kóptegen reseılikter kóship jatyr. Odan bizdegi eńbek naryǵyna júkteme túspeı me? Mundaı qaýip bar ma?», - degen suraq qoıdy tilshiler mınıstrge Senat kýlýarynda.

Óz kezeginde Tamara Dúısenova esh qaýip joq ekenin aıtty.

«Ózderińiz bilesizder, bizde EAEO jumys istep jatyr, eshqandaı ruqsat qajet emes. Uzaq ýaqyttan beri bizdiń jumys kúshimiz Reseıge baryp, ol jaqtan jumysshylar osynda kelip júr. Sondyqtan, qazir statıstıka boıynsha kelgen adam sany aıtarlyqtaı kóp emes. Qazirgi ýaqytta bizdegi eńbek naryǵyna júkteme shetten kelgenderden emes, ózimizdiń eńbekke qabiletti jastarymyzdan túsip otyr», - dep túsindirdi Tamara Dúısenova.

Sonymen birge, mınıstr jumyspen qamtý baǵdarlamalary boıynsha otandyq jastar basymdyq beriletinin aıtty.

Aıta keteıik, Іshki ister mınıstrliginiń habarlaýynsha, bıyl 10 myńǵa jýyq reseılik Qazaqstannan jeke sáıkestendirý nómirin alǵan.