Reseılik jýrnalıst Mýratovtyń Nobel medali aýktsıonda rekordtyq baǵada satyldy

MÁSKEÝ. TASS - QazAqparat - Nobel syılyǵynyń laýreaty, reseılik «Novaıa gazeta» basylymynyń bas redaktory Dmıtrıı Mýratovtyń medali Heritage aýktsıonynda 103,5 mıllıon dollarǵa satyldy. Aýktsıon Manhettendegi New York Times medıa ortalyǵyndaǵy aýktsıon úıiniń saıtynda ótti, dep habarlaıdy QazAqparat TASS silteme jasap.

Aýktsıon bastalmas buryn Dmıtrıı Mýratovqa óz marapatyn satýǵa daıynsyz ba degen suraq qoıyldy, ol «ıá» dep jaýap berdi.

Stavkalar 700 myń dollardan bastaldy, biraq birneshe mınýt ishinde medalǵa usynys birneshe mıllıon dollardan asty. 16,6 mıllıon dollar somasynan keıin telefon arqyly belgisiz satyp alýshy 103,5 mıllıon dollarǵa stavka jasady, ony eshkim toqtata almady. Barlyq qarajat ıÝNISEF halyqaralyq qoryna aýdarylady.

Sońǵy baǵa aýktsıondarda ótkizilgen Nobel medaliniń buǵan deıingi rekordynan 20 ese asyp tústi - 2014 jyly Christie's aýktsıonynda DNQ molekýlasynyń qurylymyn ashqan amerıkalyq bıolog Djeıms Ýotsonnyń nagradasy 4,76 mıllıon dollarǵa baǵalanǵan edi.

Eske salsaq, 2021 jylǵy Beıbitshilik salasyndaǵy Nobel syılyǵyn jýrnalıster - «Novaıa Gazeta» reseılik basylymynyń bas redaktory Dmıtrıı Mýratov pen fılıppındik Rappler basylymynyń negizin qalaýshy Marııa Ressa «demokratııa men beıbitshilik ornatý úshin basty shart bolyp tabylatyn ózin-ózi kórsete alý múmkindigi men sóz bostandyǵyn qorǵaýǵa» qosqan úlesi úshin aldy.