Reseılik tanymal kompozıtor Maksım Fadeev Almatydaǵy bardy sotqa berdi

ALMATY. QazAqparat - Reseılik kompozıtor Maksım Fadeev Almatydaǵy jergilikti barlardyń birin avtorlyq quqyǵy buzylǵany úshin sotqa berdi, - dep habarlaıdy QazAqparat tilshisi.

Bul týraly kompozıtor óziniń Instagram-daǵy paraqshasynda jazdy.

Kompozıtordyń sózinshe, ol 2019 jyly ánshi Nargızben kelisimshartty buzǵan jáne ánshige óziniń katalogindegi ánderdi oryndaýǵa tyıym salǵan.

«Nargızdiń kontserti Almatydaǵy The FRIENDS Bar & Terrace barynda 26 mamyrda ótti. Meniń zańgerlerim ol óner kórseter aldynda barǵa ánimdi oryndaýǵa tyıym salý týraly eskertý jasaǵan. Alaıda bar ákimshiligi eskertýdi elemedi. Nátıjesinde biz kontsertti ótkizý kezinde meniń quqyqtarymdy buzý faktisi boıynsha Almaty qalasy Bostandyq aýdandyq sotyna aryz túsirdik», - dep jazdy Maksım Fadeev.

Bul aqparat Almaty qalalyq sotynyń baspasóz qyzmeti rastady.

«Reseı azamatynan sotqa aryz tústi. Zańnamaǵa sáıkes, bes táýlik ishinde óndiriske alynady»,- dep habarlady vedostvodan.