Reseılik «Spýtnık V» vaktsınasynyń quny arzandaı ma

NUR-SULTAN. QazAqparat – QR Densaýlyq saqtaý birinshi vıtse-mınıstri Marat Shoranov reseılik «Spýtnık V» vaktsınasynyń qunyn tómendetýge qatysty pikir bildirdi, dep habarlaıdy QazAqparat tilshisi.

Ortalyq kommýnıkatsııalar qyzmetinde jaqynda «Spýtnık V» quny eki esege jýyq arzandaǵany týraly málimet taraǵany aıtylyp, Qazaqstanda bul ekpeniń baǵasy qandaı kólemde tómendeıtindigi suraldy.

«Shynymen de osyndaı aqparattyq habarlama boldy. Osyǵan baılanysty reseılik tikeleı ınvestıtsııalar qorymen arada jasalǵan memorandýmdaǵy ýaǵdalastyqqa sáıkes, vaktsınalarǵa baǵany túzetý boıynsha Densaýlyq saqtaý mınıstrligine resmı saýal joldadyq. Endi osyǵan qatysty resmı jaýapty kútip otyrmyz. Bul turǵyda másele naýryz aıynyń ortasyna deıin jedel sheshiledi dep úmittenemin», - dedi Marat Shoranov.

Budan buryn habarlanǵandaı, brıfıng barysynda Qazaqstanda salynatyn medıtsınalyq nysandar týraly aıtyldy.

5 jylda 487-den astam jańa MSAK obektileri salynady jáne osy 2021 jyly 211 nysannyń qurylysy josparlanýda.

Onyń ishinde 83 medıtsınalyq pýnkt, 70 feldsherlik-akýsherlik pýnkt, 57 dárigerlik ambýlatorııa jáne 1 emhana qamtylady.